Քենդալ Ջեները ամերիկյան Vogue ամսագրի ապրիլյան համարի շապիկին
23:55 14 մարտի, 2018Քենդալ Ջեները նկարահանվել է ամերիկյան Vogue ամսագրի ապրիլյան համարի շապիկին: Այն վերնագրված է այսպես. «Ես ոչինչ չունեմ թաքցնելու»:
Ամսագրի համարում տրված հարցազրույցում 22-ամյա Քենդալն ասել է, որ հանդիպում է բասկետբոլիստ Բլեյք Գրիֆֆինի հետ, այսպիսով հերքել է իր ոչ ավանդական սեռական կողմնորոշման մասին ասեկոսեները: Նա ավելացրել է, որ ցանկանում է մայրանալ 28-29 տարեկան հասակում:
Անդրադառնալով իր սեռական կողմնորոշման հարցին 22-ամյա մոդելն ասել է, որ հակառակ իր քույրերի, որոնց անձնական կյանքը հասարակության համար բաց է, նա թաքցնում է և ամեն անգամ ցույց չի տալիս իր բոյֆրենդին: Քենդալն այդ առումով զուսպ է: Նրա մեջ տղամարդկային էներգիան շատ է, նրա շարժուձևը՝ ավելի կոպիտ, սակայն նա միասեռական չէ և ոչինչ չունի թաքցնելու:
Քիմ Քարդաշյանի 22-ամյա քույրը խոսել է նաև իր հետաքրքրությունների մասին: Նա մանուկ հասակից սիրում է ձիավարությամբ զբաղվել: Այժմ նա ունի երկու ձի: Քենդալը նաև մեդիտացիա է անում, քանզի նա ունի հագեցած և լարված ժամանակացույց, իսկ մոդելը պետք է կարողանա հանգստություն պահպանել:
Հիշեցնենք, որ վերջերս Քենդալ Ջեները լուսանկարվել էր կորեական Vogue-ի շապիկի ու էջերի համար:
Աղբյուրը՝ DailyMail