Չնայած արքայազն Հարրիի և Մեգան Մարքլի հարսանիքի մասին հաղորդվել էր դեռ անցած տարի, սակայն Ելիզավետա 2-րդ թագուհին այս առիթով պաշտոնական հայտարարություն չէր արել մինչ օրս:
Այսօր Բուքինգեմյան պալատը հայտնել է թագուհու հայտարարության մասին, որտեղ նա այս հարսանիքի համար իր պաշտոնական համաձայնությունն է տվել:
Ես իմ համաձայնությունն եմ տալիս իմ ամենասիրելի թոռանս՝ արքայազն Հարիի և Մեգան Մարքլի ամուսնության կապակցությամբ: Այս համաձայնությունը պետք է կնքվի և պահվի Գաղտնի Խորհրդի գրառումներում, - ասել է Ելիզավետա 2-րդ թագուհին:
Նման հայտարարությամբ թագուհին հանդես էր եկել նաև 2011թ.-ին՝ Քեյթ Միդլթոնի և արքայազն Ուիլյամի հարսանեկան արարողությունից առաջ:
Հիշեցնենք, որ արքայազն Հարրիի և Մեգան Մարքլի հարսանեկան արարողությունը, որը բոլոր նախադրյալներն ունի «Տարվա հարսանիք» տիտղոսին արժանանալու համար, տեղի կունենա մայիսի 19-ին:
Աղբյուրը՝ DailyMail
Լուսանկարները՝ PA