Քիմ Քարդաշյանը՝ Elle ամսագրի զվարճալի տեսահոլովակում․ «Աստված իմ, մարդիկ այնքան հիմար ու բութ են»
13:05 16 մարտի, 2018Ինչպես գիտեք՝ Քիմն օրերս նկարահանվել է Elle ամսագրի ապրիլյան համարի շապիկի համար։
37-ամյա հայուհին պատմել է իր ամուսնու՝ Քանյե Ուեսթի, երեք զավակների՝ դուստրեր Նորթի ու Չիկագոյի, և որդի Սեյնթի, փոխնակ մոր ու առողջական խնդիրների մասին։
Երեկ ուշ երեկոյան ELLE-ի Youtube ալիքում հայտնվել է Քիմ Քարդաշյանի մասնակցությամբ տեսանյութ, որտեղ հեռուստաաստղը կարդում է իր մասին ամսագրերի ու վեբ պարբերականների հրապարակումների վերնագրերը ու մեկնաբանում դրանք՝ նշելով, թե որն է ճշմարտություն, իսկ որը՝ ոչ։ Տեսանյութը սկսվում է «Մարդիկ այնքան բութ ու հիմար են» արտահայտությամբ։
Այդ արտահայտությունը վերաբերում էր նրան, որ ամսագրի համար հայուհու հարցազրույցից հետո համացանցում հայտնվել են մեմեր Քանյե Ուեսթի ու Քիմի մասին. օգտատերերը պնդում են, որ Քարդաշյանների գերդաստանը պատանդ է պահում Քանյե Ուեսթին ու որ ռեփերը կարող է փրկվել միայն փախուստի դիմելով։ Մեմերում Քանյեն հանդես է գալիս Get out («Փախիր») ֆիլմի գլխավոր հերոսի դերում։
Մեկնաբանելով իր մասին տարատեսակ հրապարակումները՝ Քիմը հաստատել է այն վերնագիրը, որ ինքը հանճար է համարում իր երկամյա որդուն՝ Սեյնթին, քանի որ նա կարողանում է արտասանել Գարգանտյուա բառը, հայուհին չի համաձայնել այն պնդման հետ, որ իր մայրը՝ Քրիս Ջեները, երիտասարդ տարիներին սարսափելի տեսք ուներ, նաև Քիմը հայտնել է, որ իր երրորդ երեխայի լույս աշխարհ գալուց հետո սոցցանցերում մերկ լուսանկարներ հրապարակելու իր ցանկությունը չի վերանա: