«Աստված մազերիս կորստի միջոցով ցանկացել է ինձ հասկացնել, որ ես էլ սովորական մարդ եմ». Բրյուս Ուիլիսը դարձավ 63 տարեկան (ֆոտո/վիդեո)
14:32 19 մարտի, 2018Գերմանական արմատներ ունեցող ամերիկացի հայտնի դերասան Բրյուս Ուիլիսն այսօր՝ մարտի 19-ին, նշում է ծննդյան 63-ամյակը: Ուիլիսը համարվում է Հոլիվուդի ամենաբարձր վարձատրվող դերասաններից մեկը: Նա առավել հայտնի է «Ամուր կաղինը», «Նրան սազում է մահը», «Քրեական ընթերցում», «12 կապիկ», «Հինգերորդ տարրը», «Արմագեդոն», «Վեցերորդ զգայարան», «Մեղքերի քաղաքը» ֆիլմերում կերտած իր դերերով:
Որքան էլ որ զարմանալի է, Բրյուս Ուիլիսը պատկանում է հոլիվուդյան այն տաղանդավոր դերասանների շարքին, որոնք դեռեւս «Օսկարի» չեն արժանացել:
Ձեզ ենք ներկայացնում բոլոր տեսակի մրցակցություններից դուրս գտնվող դերասանի հայտնի մտքերից մի քանիսը.
«Անցյալը ջնջել չես կարող, բայց կարող ես այն չկրկնել»:
«Կնոջս հազար անգամ ասել եմ, որ սիրում եմ, բայց երբեք չեմ ասել՝ կներես»:
«Աստված մազերիս կորստի միջոցով ցանկացել է ինձ հասկացնել, որ ես էլ սովորական մարդ եմ»:
«Բոլորն էլ, անկախ տարիքից, 24 կամ 25 տարեկան են իրենց զգում»:
«Արվեստը կրկնօրինակում է կյանքը, երբեմն էլ հակառակն է լինում: Այս երկուսը կապված են միմյանց որոշակի տարրերով»:
«Ինձ բացարձակ հետաքրքիր չէ նկարահանվել այնպիսի ֆիլմերում, որոնք ինչ-որ հաղորդագրություն են պարունակում: Ես պարզապես ցանկանում եմ զվարճացնել մարդկանց»:
«Երբ մտածում ես մեծ սեր գտնելու մասին, երբեք մտքովդ չի անցնում, որ դու արդեն ճանաչում ես նրան: Միշտ ինչ-որ նոր մեկին ես փնտրում»:
«Ես ավելի հպարտ եմ այն բանի համար, որ հայր եմ, քան թե, որ հայտնի դերասան եմ»:
«Ես ուղղակի հասարակ տղա եմ, որն ունի օրհնված կյանք»:
«Հիսունն իրականում նոր քառասունն է: Ես միշտ մտածել եմ, որ ավելի հաջող կարիերա կունենամ հիսուն կամ վաթսուն տարեկանում»:
«Ես հավատում եմ արդարությանը եւ հավատում եմ, որ մարդիկ պատասխանատու են իրենց գործողությունների համար»:
Լուսանկարները՝ All Movie, New York Post, Film.ru