64-ամյա Լյուբով Ուսպենսկայան օդանավում վիճաբանություն է սկսել
10:14 23 մարտի, 201864-ամյա Լյուբով Ուսպենսկայան վիճաբանել է օդանավում, հայտնում է «Пятый канал»-ը։ Երգչուհուն հեռացրել են Մոսկվա-Օմսկ չվերթից՝ օդանավում նրա առաջացրած իրարանցման պատճառով։ Սկանդալի պատճառն է դարձել այն, որ բորտուղեկցորդուհին հրաժարվել է Ուսպենսկայային թույլատրել օդանավի սրահ բարձրացնել իր շանը։
Նշում են, որ թռիչքի ժամանակ կենդանիները պետք է գտնվեն հատուկ պայուսակներում։ «Շանսոնի թագուհին», որը հայտնի է շների հանդեպ իր սիրով, հրաժարվել է իր կենդանուն հատուկ պայուսակով տեղափոխել ու հրել է բորտուղեկցորդուհուն։ Արդյունքում՝ իրավապահ մարմինների աշխատակիցները Ուսպենսկայային հանել են օդանավից։
Ուսպենսկայան կարողացել է Օմսկ մեկնել մեկ այլ օդանավով՝ հաջողությամբ փոխանակելով տոմսերն օդանավակայանում։
Իր հերթին Ուսպենսկայան պատմել է, որ Մոկսվա-Օմսկ չվերթի ժամանակ իրոք տեղի է ունեցել վիճաբանություն բորտուղեկցորդուհու հետ։
«Իմ ճանապարհը փակեց բորտուղեկցորդուհին, նա բոլորի ներկայությամբ ասաց, որ շնիկին պետք է պայուսակի մեջ դնել։ Իմ ձեռքին պայուսակ կար, ընդամենը պետք էր այն բացել։ Ու նա թույլ չտվեց, որ որ ես բացեմ այն։ Նա իրեն շատ տգեղ էր պահում, անքաղաքավարի, անվայել բիզնես կարգի համար, արտիստի համար, դա անքաղաքավարություն էր․․․ Իմ տնօրենը խնդրեց, որ այդ բորտուղեկցորդուհին այլևս չսպասարկի բիզնես կարգը»,- պատմել է Ուսպենսկայան։
Նրա խոսքով՝ բորտուղեկցորդուհին դրանից հետո մոտեցել է օդանավի հրամանատարին ու հայտնել, որ իրեն վիրավորել են։ Հետո երգչուհուն հրաժարվել են սպասարկել, իսկ երբ ոստիկանները ժամանել են, նրան խնդրել են դուրս գալ օդանավից։ Երգչուհին վստահ է, որ դա սովորական վրեժխնդրություն էր։
«Նույնիսկ օդանավի հրամանատարը դուրս չեկավ ու մեզ չմոտեցավ․․․ Կոլեկտիվին ես այդ նույն օդանավով ուղարկեցի։ Բարեբախտաբար, մեկ այլ օդանավ էլ կար ու մեր համերգը նրանց պատճառով չձախողվեց։ Դրանից բացի, ես դեռ ջերմություն էլ ունեի»,- պատմել է երգչուհին։