Ինչո՞ւ 175 կգ կշռող կինը որոշեց նիհարել հարսանիքից հետո (ֆոտո)
18:04 24 մարտի, 201828 տարեկանում Էդեն Սենբյուֆը կշռում էր 175 կգ: Սակայն երիտասարդ կնոջ կյանքում ամեն ինչ փոխվեց, երբ լուսանկարիչն իրեն ուղարկեց հարսանեկան լուսանկարները… Դրանք տեսնելուց հետո կինը տխրեց՝ հասկանալով, թե որքան «մեծ» հարս է ինքը եղել: Երեք տարվա ընթացքում Էդենը հասել է հրաշալի արդյունքի. նա այժմ կշռում է 75 կգ:
Իսկ ամեն ինչ սկսվեց նրարից, որ Էդենը որոշեց զբաղվել զումբայով եւ թողնել անառողջ սնունդը: Նա իր սիրելի պիցցաներն ու պաղպաղակը փոխարինեց բանջարեղենային սնունդով:
Նիհարելուց հետո կինը որոշեց փորձել իր հարսանեկան զգեստը: Նա կարծում էր, որ զգեստը մի քիչ մեծ կլինի իր հագին, ինչն արդեն ոգեւորիչ էր նրա համար, սակայն նրա սպասելիքներն ավելի քան արդարացան: Զգեստը նրա հագին ոչ թե մի փոքր, այլ չափազանց մեծ էր:
«Ես իմ հարսանիքի օրը շատ եմ սիրում, գնահատում եմ այդ օրվա ամեն մի վայրկյանը, բայց երբ ինձ ուղարկեցին հարսանեկան լուսանկարներս, ես ինքս ինձանից հիասթափվեցի, քանի որ այդքան երիտասարդ տարիքում այդչափ աչքաթող էի արել ինձ: Դա պետք է լինի յուրաքանչյուր աղջկա երազանքների օրը, բայց նայելով լուսանկարներին՝ ես ինձ ուրախ չէի զգում»,-հիշում է նա:
Այժմ Էդենն ու ամուսինը մեծացնում են իրենց 2-ամյա որդուն: Նույնիսկ հղիությունից հետո կինը թույլ չի տվել, որ ավելորդ քաշն իրեն հաղթի: Նա շարունակում է ակտիվորեն զբաղվել զումբայով, նաեւ խոստովանում, որ երեխայի հետ իր ամեն օրը լի է մարզանքով :)
Աղբյուրը՝ Mirror.co.uk