Քիմ Քարդաշյանը պատասխանել է իրեն ֆոտոշոփ օգտագործելու մեջ մեղադրողներին։ Ահա այս լուսնակարը, որը հայտնվել է տարբեր պարբերականների էջերին, իսկ հետագայում՝ նաև 37-ամյա հեռուստաաստղի Instagram-ում, հեյթերների կողմից հայուհի հասցեին հերթական գրոհների առիթ է դարձել. նրանք միանգամից մեղադրել են Քիմին ֆոտոշոփ գործածելու մեջ։
«Որտե՞ղ է ֆոտոշոփը։ Որոշ պարբերականներ գրել են, որ ես ֆոտոշոփի հետ կապված խնդիր ունեմ։ Դիտեք լուսանկարը, որտե՞ղ եք խնդիրներ տեսնում։
Այս լուսանկարը ֆանատներից մեկն է արել ու համացանցում հրապարակել, ես վերահրապարակել եմ ու պարզապես ֆիլտր եմ ավելացրել։ Հետևում երևացող մեքենան իմ ֆոտոշոփը չէ, այլ ֆանատինը, որը մոտ հայելանման արտացոլանքի պես մի բան է ստացվել»,- նկատել է Քիմը։
Նշենք, որ Keeping Up With The Kardashian's հեռուստաշոուի 37-ամյա աստղ Քիմ Քարդաշյանը կիսամերկ լուսանկար էր հրապարակել: Տեղադրված լուսանկարում հայուհին լողազգեստով կանգնած է իր դիմահարդար Մարիո Դեդիվանովիչի կողքին: Ինչպես հայտնի է՝ նրանք գործարկելու են կոսմետիկ արտադրանքի համատեղ հավաքածու։
Հրապարակված լուսանկարին կից Քիմ Քարդաշյանը գրել էր. «Տասը տարի առաջ, երբ մենք հանդիպեցինք, ես չէի էլ կարող երբևէ երազել, որ մենք միասին կներկայացնենք կոսմետիկ արտադրանքի համատեղ հավաքածուն: Մարիո Դեդիվանովիչն է ինձ սովորեցրել դիմահարդարման մասին այն ամենը, ինչ ես գիտեմ: Հպարտ եմ, որ պիտի ներկայացնենք մեր համատեղ արտադրանքը»:
Հիշեցնենք, որ ավելի վաղ Մարիո Դեդիվանովիչը հրապարակել էր շատ հուզիչ հաղորդագրություն Քիմի հետ ծանոթության և համատեղ աշխատանքի մասին: