Քիմ Քարդաշյանը կարոտախտային տրամադրություն ունի։ Վերջերս հայուհին իր Instagram-ում մեծ քանակությամբ արխիվային լուսանկարներ է հրապարակում։ Այս անգամ Քիմը նախ ցույց է տվել իր դստերը՝ Նորթին (առայժմ ոչ մի ընդհանրություն արխիվային լուսանկարների հետ), իսկ ավելի ուշ հրապարակել է իր մոր՝ Քրիս Ջեների ու խորթ հոր՝ Բրյուս Ջեների լուսանկարը։
Լուսանկարում Քրիսը փրփուրով լոգանք է ընդունում, իսկ Բրյուսը, որը հիմա Քեյթլին է դարձել, նրա կողքին է նստած՝ ձեռքին շամպայնով լի բաժակ։
Ի դեպ, երեկ Քիմը հրապարակել էր լուսանկար՝ ODDA-ի համար իր նկարահանումներից։ Մեկ շաբաթ առաջ 37-ամյա հայուհին մասնակցել էր պարբերականի համար շքեղ ֆոտոշարքի։
Հայուհին վարդագույն զգեստով էր լուսանկարվել, սակայն ընթերցողներին հատկապես դուր էին եկել Քիմի լուսանկարները՝ Louis Vuitton լոգոտիպով աղբամանների ֆոնին։