Ամենաճաշակով հագնվող 5 հայտնի հայուհիներն ըստ դիզայներ Արփինե Կոշտոյանի
16:34 4 ապրիլի, 2018NEWS.am STYLE-ը շարունակում է մասնագետների օգնությամբ քննել հայկական շոու բիզնեսի ներկայացուցիչներին :) Ամենաոճային ու ճաշակով հագնվող 5 հայտնի հայուհիներին բացահայտելու նպատակով զրուցել ենք դիզայներ եւ ոճաբան Արփինե Կոշտոյանի հետ, որը մեզ ներկայացրել է իր հնգյակն ու մեկնաբանել ընտրությունը:
Ահա, թե որ 5 հայտնի հայուհիներն են տեղ գտել նրա ցուցակում.
Սոֆի Դեւոյան
Մեր հայ իրականության մեջ բոլոր ժամանակների ամենականացի կերպարն է: Շատ նրբաճաշակ կին է, նրան բոլոր ոճերի զգեստներն էլ սազում են, միշտ ամեն ինչ ներդաշնակ է նրա պարագայում:
Սիրուշո
Նա ունի իրեն հատուկ ոճ, կարելի է ասել՝ fashion icon է: Ակնհայտորեն ճաշակ է թելադրում հայ երիտասարդությանը: Նա կարողանում է ստանալ հաջողված կերպարներ:
Նազենի Հովհաննիսյան
Նազենիի ոճում հավանում եմ այն, որ նա ունի չափի զգացողություն, գիտի՝ որտեղ ինչպես պետք է ներկայանալ: Զգացվում է, որ ինքն իր հանդեպ պահանջկոտ է, միշտ գրագետ կերպարներով է ներկայանում:
Իվետա Մուկուչյան
Իվետայի դեպքում հավանում եմ այն, որ նա փոփոխվելու բարդույթներ չունի, չի վախենում նորամուծություններից եւ հետեւում է նորաձեւության միտումներին:
Քրիստինե Պեպելյան
Միշտ հագնվում է ներդաշնակ՝ հետաքրքիր ու կանացի: Երբ մարդն ունենում է ոճի զգացողություն, կարողանում է հաջողված կերպարներ ստանալ:
Սյունե Առաքելյան
Լուսանկարները՝ հայտնիների Facebook-ի էջերից