Ամերիկացի հայտնի դերասան, ռեժիսոր եւ արեւելյան մարտարվեստի վարպետ Սթիվեն Սիգալն այսօր՝ ապրիլի 10-ին, նշում ծննդյան տարեդարձը: «Օրենքի տակ» ֆիլմից հետո Նիկոյի կերպարով հայտնի դարձած դերասանն այսօր դարձավ 66 տարեկան:
Արեւելյան մարտարվեստի վարպետը հիմնականում հայտնի է հենց տվյալ ժանրի ֆիլմերով, որոնցից են՝ «Դժվար է սպանել», «Վերջին վերքերը», «Հանուն արդարության» եւ այլն:
Իհարկե, մարտարվեստի ժանրի սիրահարներին այսօր առաջարկում ենք դիտել Սիգալի ֆիլմերից ցանկացածը, իսկ դերասանի երկրպագուների ուշադրությանը ներկայացնում նրա հայտնի մեջբերումներից մի քանիսը.
«Ցանկացած լավ մարզիկ ինչ-որ տեղ նաեւ գիտնական է եւ արտիստ»:
«Հուսով եմ՝ մի օր ինձ կճանաչեն՝ որպես լավ դերասան եւ գրող, ոչ թե միայն որպես սեքս խորհրդանիշ»:
«Մեզանից շատերն ունեն անառողջ մտքեր եւ էմոցիաներ, որոնք գալիս են մանկության դժվարություններից եւ ծանր ապրումներից»:
«Կարծում եմ՝ մենք ապրում ենք մի աշխարհում, որտեղ հասարակությանը դժվար է հասկանալ»:
«Ես մահվանից չեմ վախենում, ավելին՝ ես նույնիսկ չեմ վախենում ապրել»:
«Գաղտնիքը մեկն է՝ պետք է ոչ թե խաղաս, այլ դառնաս տվյալ կերպարը»:
«Սիրում եմ դուրս գալ փողոցներ եւ օգնել մարդկանց»:
«Ինձ երբեք դուր չի եկել երեխա լինելը: Ես մանուկ հասակում էլ այնպիսի զգացողություն եմ ունեցել, ասես, իմ հասուն հոգին ապրում է մանկան մարմնի մեջ»:
«Ես ինձ չեմ համարում արեւելյան մարտարվեստի աստղ: Ինձ համար նույնիսկ վիրավորական կլիներ այդ կոչումը»:
«Ես փոքր տարիքից երաժիշտ եմ եղել: Երաժշտությունն իմ առաջին սերն է»:
Լուսանկարները՝ Սթիվեն Սիգալի Facebook-ի էջից