Հինգ կենսական խորհուրդ ձեր կատվից
17:08 15 ապրիլի, 2018Ես քեզ սիրում եմ, բայց ինձ ավելի շատ եմ սիրում
Սիրիր քեզ: Սանրիր եւ լիզիր քո մորթին, քնիր օրական 18 ժամ (կամ էլ ժամանակի մարդկային համարժեքը), օրվա ընթացքում քիչ-քիչ սնվիր փոքրիկ թռչուններով եւ զբաղվիր միայն այնպիսի բաներով, որոնք հետաքրքրում են քեզ:
Քեզ համար բարձր ստանդարտներ սահմանիր եւ հետեւիր դրանց, ասես այլ տարբերակներ ուղղակի գոյություն չունեն: Առաջնային դարձրու քո շահերը` ֆիզիկական, հուզական եւ հոգեւոր: Երբ առողջ լինես բոլոր այդ առումներով, աշխարհը քեզ համար լի կլինի հնարավորություններով:
Ընդունիր պարգեւները եւ գնահատիր բարի մտադրությունները
Ես քեզ երբեմն կիսակենդանի մուկ կամ թռչուն կբերեմ: Դա պարգեւ է: Եթե դա այն նվերը չէ, որն ուզում էիր դու, իմացիր, ես քեզ նվիրում եմ դա, որովհետեւ քեզ սիրում եմ: Աշխարհը լի է պարգեւներով: Նկատիր դրանք, փնտրիր եւ գնահատիր նրան, ով քեզ տվել է դրանք. կարեւոր չէ, դա կատու է, թե այլ ստորին կենդանի (այսինքն բոլորը, ովքեր կատու չեն), մարդ, թե ամբողջ տիեզերքը:
Կենտրոնացիր միայն նրա վրա, ինչ իրոք ուզում ես
Եվ համառ եղիր, մինչեւ չստանաս դա: «Ոչ» տարբերակը գոյություն չունի: Ես քաղցած եմ: Դու վեր կկենաս քո անկողնուց եւ կկերակրես ինձ, թե չէ անձայն կկանգնեմ մոտերքում` տրորելով բարձիդ ծայրերը կամ մազերդ: Ես կզարդարեմ հատակը կերակրամանի շուրջը, եթե դրա պարունակությունը կորցրել է թարմությունը: Կերակրամանն անհրաժեշտ է մաքրել եւ նոր պարունակություն լցնել: Ես սիրում եմ նստել պատշգամբում եւ նայել, թե ինչպես է ծագում արեւը, եւ ես գիտեմ, որ դու վեր կկենաս եւ կանես անհրաժեշտ ամեն ինչ, որպեսզի դա տեղի ունենա: Արա անհրաժեշտ աշխատանքը, որպեսզի ստանաս այն, ինչ քեզ պետք է, ուրիշներին էլ ներգրավիր դրանում, որ օգնեն քեզ:
Դու ուրիշներին սովորեցնում ես, թե ինչպես է պետք վարվել քեզ հետ
Նրանց դերային օրինակ ցույց տուր եւ մեղմորեն ու հետեւողականորեն զատիր անցանկալի դրսեւորումները: Կուզեի, որ դու հենց հիմա շոյեիր ինձ, այդ պատճառով ես գալիս եմ, ցատկում եմ ծնկներիդ: Եթե վեր կենաս եւ գնաս ինչ-որ տեղ, ես կհետեւեմ քեզ եւ կշարունակեմ: Դու կտեսնես, որ ես չափազանց հմայիչ եմ: Լավ, հիմա արդեն հերիք է, եւ որպեսզի հասկանաս դա, ես մեղմորեն դուրս կսահեմ քո ձեռքերից կամ էլ թեթեւակիորեն կկծեմ ափդ, եթե փորձես պահել ինձ: Եվ խնդրում եմ, մի փորձիր շոյել ինձ, երբ տրամադրություն չունեմ:
Քեզ թագավորի պես պահիր
Ինքնավստահ եղիր, նույնիսկ եթե ներսումդ այդ առումով կասկածներ ունես: Եթե երկար ժամանակ քեզ այդպես պահես, ուղեղդ կհավատա դրան: Թագավորները չեն հուզվում, այդ պատճառով ինձ մի զզվեցրեք զավեշտալի կատակներով եւ խաղերով, որոնք իմ արժանապատվությունից ցածր են, կարող են կեղտոտել իմ մորթին եւ ինձ սթրեսի ենթարկել: Եթե ինչ-որ բան եմ անում, դա ինձ համար լավ է այս կամ այն առումով: Իսկ այժմ ես քեզ վրա վերեւից եմ նայում՝ գրադարակից խոյանալով քո գլխավերեւում: Ինչպես եւ պետք է լինի:
Աղբյուրը` Creu