Քլոե Քարդաշյանի բոյֆրենդին բասկետբոլի խաղի ժամանակ սուլոցներով են դիմավորել՝ հայուհուն դավաճանելու համար
12:42 12 ապրիլի, 2018Սկանդալը, որի մեջ հայտնվել է Քլոե Քարդաշյանի բոյֆրենդը՝ Թրիսթան Թոմփսոնը, բասկետբոլի դաշտ է տեղափոխվել, գրում է TMZ-ը։
Երեկ «Քլիվլենդ Կավալյերս» թիմը, որի կազմում խաղում է Թրիստանը, հանդիպել է «Նյու Յորք Նիքս» թիմի հետ։ Թրիստանի թիմը պարտվել է, բայց կարևորն այն է, որ երբ Քլոեի բոյֆրենդը հայտնվել է մարզադաշտում, նրան դիմավորել են սուլոցներով, իսկ տրիբունաներում հայտնվել են պաստառներ, որոնց վրա գրված էր «Մենք սիրում ենք Քլոեին»։
Ի դեպ, խաղից հետո Թրիստանն այլևս չի համարձակվել դուրս գալ ու ինքնագրեր բաժանել երկրպագուներին։
Հիշեցնենք, որ բասկետբոլիստը սկանդալային պատմության մեջ է հայտնվել, նրան «բռնացրել» են սիրուհիների հետ ու տեսագրել։ Նրանցից մեկի՝ Լանի Բլեյեր անունով աղջկա հետ, բասկետբոլիստին անցած շաբաթ մի քանի անգամ տեսել են։ Պարզվել է, որ Թրիստան Թոմփսոնը մշտապես դավաճանել է հայուհուն։