«Օրն առանց ծիծաղի անիմաստ օր է». այսօր ծնվել է Չարլի Չապլինը
16:36 16 ապրիլի, 20181889 թ-ի ապրիլի 16-ին ծնվել է համաշխարհային կինոյի ամենասիրելի կերպարին` թափառաշրջիկ Չարլիին ստեղծած եւ մարմնավորած ամերիկացի դերասան, ռեժիսոր, պրոդյուսեր եւ սցենարիստ Չարլի Չապլինը:
Չապլինը համր կինոյի ամենաազդեցիկ ներկայացուցիչներից էր: Դերասանի ստեղծագործական կյանքի վրա մեծ ազդեցություն է ունեցել երգիծաբան եւ դերասան Մարկ Լինդերը:
Չարլի Չապլինի մասնակցությամբ հայտնի ֆիլմերն են` «Փոքրիկը», «Հզոր բռնապետը», «Մեծ քաղաքի հուրը», «Չապլին», «Կրկես», «Հանգիստ փողոցը» եւ այլն:
Չապլինը համոզված էր՝ «Օրն առանց ծիծաղի անիմաստ օր է»:
Լեգենդար դերասանի ամենահայտնի եւ խորհրդավոր մտքերից եւս մի քանիսը ներկայացնում ենք ստորեւ.
«Որպեսզի անկեղծորեն կարողանաս ծիծաղել, դու պետք է վերցնես ցավդ ու խաղաս դրա հետ»:
«Ես մեկ հիմնական կոչում ունեմ՝ դա ծաղրածուի կոչումն է: Դա ինձ համար ավելի վեհ է, քան ցանկացած քաղաքական գործչի պաշտոնը»:
«Այս չար աշխարհում ոչինչ մնայուն չէ, նույնիսկ մեր խնդիրները»:
«Մարդու իրական դեմքը բացվում է այն ժամանակ, երբ նա հարբած է լինում»:
«Ձախողումը կարեւոր չէ: Պետք է շատ քաջ լինես, որպեսզի կարողանաս ծիծաղել ինքդ քեզ վրա»:
«Կյանքն այնքան հիաքանչ կլիներ, եթե մարդիկ քեզ մենակ թողնեին»:
«Մենք այնքան շատ ենք մտածում, մինչդեռ շատ քիչ ենք զգում»:
«Ինչո՞ւ եք իմաստ որոնում: Կյանքը ցանկություն է, ոչ թե իմաստ»:
«Իմ պատկերացմամբ՝ ամենատխուր բանը ճոխությանը սովորելն է»:
«Մենք բոլորս ցանկանում ենք օգնել միմյանց: Այդպիսին են մարդիկ: Մենք ցանկանում ենք ապրել մեկս մյուսի ուրախությամբ, ոչ թե թշվառությամբ»:
Լուսանկարները՝ Facebook-ից