«Ես իսկական կին եմ». Վիկտորիա Բեքհեմը նշում է ծննդյան 44-ամյակը
15:10 17 ապրիլի, 2018Այսօր` ապրիլի 17-ին, իր ծննդյան 44-ամյակն է նշում բրիտանացի երգչուհի, մոդել, դիզայներ, Spice Girls խմբի նախկին անդամ Վիկտորիա Ադամս Բեքհեմը:
2000 թ-ին Վիկտորիան դուրս է եկել խմբի կազմից եւ սկսել անհատական կարիերան:
Վիկտորիային մեծ ճանաչում է բերել նաեւ նրա ոճի զգացումը: Նրան սկսեցին անվանել ոճի խորհրդանիշ: Դիզայների կարիերան Բեքհեմը սկսեց Rock & Republic-ի համար ջինսե տաբատներ արտադրելով: Այնուհետեւ երգչուհի-դիզայները սկսեց աշխատել իր սեփական հավաքածուների վրա:
Վիկտորիան նկարահանվել է մի քանի ռեալիթի-շոուներում, այդ թվում` Being Victoria Beckham եւ The Real Beckhams վավերագրական ֆիլմերում:
Բոլորին է հայտնի, որ երգչուհին ամուսնացած է ամենացանկալի տղամարդանցից մեկի` անգլիացի ֆուտբոլիստ Դեւիդ Բեքհեմի հետ: Նրանք ունեն 4 երեխա` Բրուքլին Ջոզեֆ Բեքհեմը, Ռոմեո Ջեյմս Բեքհեմը, Քրուզ Դեւիդ Բեքհեմը եւ դուստրը` Հարփեր Սեվեն Բեքհեմը:
Այսօր առաջարկում ենք ընթերցել ոճային գեղեցկուհու ամենահայտնի մտքերից մի քանիսը:
«Ինձ դուր է գալիս նորաձեւությունը. սիրում եմ փոխել իմ ոճը՝ մազերս, դիմահարդարումս: Այն, ինչ արել եմ անցյալում, ինձ դարձրել է այնպիսին, ինչպիսին այսօր կամ: Ոչ բոլորին դուր կգա այն, ինչ ես եմ անում, բայց իմ անցյալին նայելն ինձ ստիպում է ժպտալ»:
«Կարծում եմ՝ կնոջ ամենասեքսուալ հատկանիշն ինքնավստահությունն է, բայց այն դեպքում, երբ այդ ինքնավստահությունն ունի համեստ դրսեւորում»:
«Ես ոչ սուպերմոդել եմ, ոչ էլ՝ դիմահարդար: Ես պարզապես իսկական կին եմ»:
«Առողջ քննադատության մեջ ոչ մի վատ բան չկա: Դրանից ես միայն սովորում եմ եւ ինքնակատարելագործվում»:
«Ես հարգում եմ բոլոր ուժեղ կանանց»:
«Նախանձ լինելն առողջ հատկանիշ չէ»:
«Ես երբեք չեմ փորձել հետեւել նորաձեւությանը եւ թրենդներին»:
«Ես առաջնահերթ հաջողակ եմ իմ ընտանիքով: Կցանկանայի, որ ընտանիքս միշտ լիներ երջանիկ եւ առողջ»:
«Ես վստահ եմ, որ յուրաքանչյուրն էլ կարող է հասնել իր ցանկացածին, եթե միայն շատ ու քրտնաջան աշխատի»:
«Անգամ եթե քեզ տվյալ օրը չբռնացնեն պապարացիները, հաստատ կգտնվի մեկն, ով կցանկանա քեզ հետ սելֆի անել: Այնպես որ՝ ամեն օր պետք է պատրաստ լինել տեսախցիկների հետ հանդիպմանը»:
Լուսանկարները՝ Facebook-ից