Դեն Բիլզերյանն Instagram-ում ցույց է տվել իր հանգիստը կղզիներում, որտեղ նա իր ընկերուհու՝ Սոֆիա Բեւերլիի հետ է։ Իր միկրոբլոգում միլիոնատերը հրապարակել է տեսագրություն՝ ստորջրյա նկարահանումներ, որտեղ երևում է, թե ինչպես է «Պոկերի արքան» լողում իր ընկերուհու հետ:
Ավելի վաղ Դեն Բիլզերյանը ցույց է տվել մարիխուանայով լուսանկար։ Իր Instagram-ում միլիոնատերը հրապարակել է լուսանկար, որտեղ նստած է սեղանի մոտ, որի վրա երկու փաթեթ մարիխուանա է դրված։
«Արձակուրդներն ավարտվեցին։ Վերադառնում եմ աշխատանքի։ Կներեք ուշացման համար»,- մակագրել է լուսանկարը Դենը։
Նշենք, որ «Պոկերի արքան» պատահական չէ լուսանկարվել մարիխուանայով, ինչն, ի դեպ, պարբերաբար անում է։ Հայազգի միլիոնատերը վերջերս հայտնել է, որ մտադիր է ստեղծել մարիխուանայի արտադրության համաշխարհային ապրանքանիշ ու վաճառքի հանել իր արտադրանքը։
Դենը ծրագրում է մրցակցել ծխախոտային արդյունաբերության հետ ու այն դուրս մղել շուկայից։