Աշխարհահռչակ շոումեն Քոնան Օ’Բրայենն այսօր`ապրիլի 18-ին, նշում է ծննդյան տարեդարձը: Նա դարձավ 55 տարեկան:
2010 թ-ից Քոնանը վարում է Conan շոուն, որի ընթացքում հյուրընկալում է բոլոր ոլորտների ամենահայտնի ներկայացուցիչներին եւ սիրված աստղերին:
Օ'Բրայենին Հայաստանում առավել ճանաչեցին այստեղ կատարած նրա այցից հետո, որը մոտ երկու տարի առաջ էր:
Այստեղ Քոնանը սովորել է հայերեն խոսել, հանդիպել է իր հայազգի օգնական Սոնայի ընտանիքի անդամներին, եղել է հայկական շուկայում եւ այցելել Գառնի: Քոնանն իր հայաստանյան արկածները ներկայացրել է իր հայտնի շոուի ընթացքում՝ ստիպելով համաշխարհային պարբերականներին կրկին խոսել հայերի եւ Հայաստանի մասին:
Շոումենի ամենահետաքրքիր ու հայտնի մտքերից մի քանիսը ներկայացնում ենք ձեր ուշադրությանը.
«Եթե կյանքը քեզ թթու կիտրոններ է պարգեւում, վերցու դրանք եւ հյութ պատրաստիր դրանցով»:
«Այս աշխարհում ոչ ոք էլ ամբողջությամբ չի ստանում այն, ինչ երազում է, բայց եթե իսկապես շատ աշխատես, հրաշալի բաներ տեղի կունենան»:
«Գեղեցկությունն այն է, երբ դու հիասթափության պատճառով հասնում ես պարզաբանումների»:
«Միայն հիասթափության շնորհիվ կարող ես ստանալ պարզաբանումներ, իսկ պարզաբանումը բերում է համոզմունքի, որից էլ ձեւավորվում է ճշմարտությունը»:
«Երբ բոլորը ձախողում են, այդտեղ մի բան այն չէ»:
«Ես ատում եմ ցինիզմը. դա իմ ամենաչսիրած երեւույթն է, որն իրականում ոչ մի տեղ չի տանում»:
«Մարդկանց սխալներին հաջորդում է մոլորությունը»:
«Պարտադիր չէ, որ այն ուղին, որն ընտրել ես 22 տարեկանում, քեզ ուղեկցի նաեւ 32-ում կամ 42-ում»:
«Ձուկը շատ լավ գիտակցում է, թե որն է վատ կաշին»:
«Մարդիկ պետք է ավելի հաճախ ասեն «ոչ» մեկնաբանություններին: Ինձ դուր է գալիս չմեկնաբանելը: Եկեք ավելի հաճախ չմեկնաբանենք»:
Լուսանկարները՝ Facebook-ից