«Պարոն վարչապետ, հրաժարվեք պաշտոնից եւ կանխեք սպասվելիք վտանգը». Սարգիս Գրիգորյան
17:01 20 ապրիլի, 2018Դերասան, հանդիսավար Սարգիս Գրիգորյանն Instagram-ի իր էջում գրառում է արել՝ խնդրելով Սերժ Սարգսյանին հրաժարական տալ:
.jpg)
Սարգիս Գրիգորյանը գրել է.
«Պարոն վարչապետ, որպես ՀՀ քաղաքացի ու այս իրավիճակին ոչ անտարբեր մարդ, խնդրում եմ`գնահատեք տիրող շատ լուրջ իրավիճակը, որի արդյունքում կարող են բազմաթիվ զոհեր լինեն ու կայացրեք կարևոր որոշում` հրաժարվեք վարչապետի պաշտոնից և կանխեք սպասվելիք վտանգը: Փողոցում երիտասարդներ են` էրեխեք ովքեր խենթի պես պայքարում են սեփական իրավունքների համար: Մի թողեք դանակը հասնի ոսկոռին: Այդ քայլով համոզված եմ կվերանա և երկողմանի ատելությունը և չարությունը: Խնդրում եմ խոհեմ գտնվեք և թույլ մի տվեք անչափ վտանգավոր դեպքերի զարգացմանը»:
Նշենք, որ սա առաջին անգամը չէ, որ Սարգիս Գրիգորյանն անդրադառնում է Հայաստանում տեղի ունեցող իրադարձություններին: Ավելի վաղ նա գրել էր.
«Յուրաքանչյուրս ունի ազատ արտահայտվելու իրավունք ու ես ուրախ եմ տեսնել բազմաթիվ երիտասարդներ, ովքեր ընդվզում են ներկա իշխանության վարած քաղաքականության բացթողումներին ու սեփական ձայնը հնչեցնում սթափեցնելու համար այն ղեկավարներին, ովքեր պարտավոր են ԾԱՌԱՅԵԼ սեփական ժողովրդին, սակայն մոռացել են դրա մասին ...Բայց հարգելիներս ձեր քայլով մի պարտադրեք ու մի վիրավորեք մարդկանց ովքեր ունեն սեփական կարծիք ու դիրքորոշում, նաև իրավունք սեփական կյանքը տնօրինելու ու որոշում կայացնելու...դա նողկալի է, ոչ ժողովրդավար ու ամենա կարևորը անթույլատրելի...չի կարելի չարախոսել, նախանձել, վիրավորել այն մարդկանց, ում կարծիքը, դիրքորոշումը մեղմ ասած չի համապատասխանում ձեր կտրուկ որոշումներին...դա ոչ մի լավ բանի չի բերի...եթե ուզում եք փոփոխություններ ու հաստատ ուզում ենք ուրեմն հարգեք ՄԱՐԴՈՒՆ` ձեր կողքն ապրող ՀԱՅԻՆ...Նոր գաղափարները կառուցեք սիրո, փոխընբնման, հարագանքի ու ոչ թե չարացած ու գազազած ռեպլիկների վրա...Այդ դեպքում ԻՆՉ ԵՆՔ ՈՒԶՈՒՄ ՓՈԽԵԼ կարող էք ասել...Ես այսօր խիստ վիրավորված եմ մի շարք անդաստյարակ ու անհավասարակշռված երիտասարդներից, ովքեր անպատասխանատու հայտարարություններ են հնչեցնում իմ ու շատ հարգված մարդկանց հասցեին, ում աշխատածի, ստեղծածի ու վաստակածի արժեքի կեսը չարած` գետնին են հավասարացնում...Չի կարելի ու դա ոչ մի լավ բանի չի բերի...Պայքարեք ձեր վաղվա օրվա` բարեկեցության համար, բայց մի վիրավորեք ու նվաստացրեք այն ինչը ձեզ ստիպեց դիմել համապատասխան քայլերի...ԱՍՏՎԱԾ ՀԱՅ ԺՈՂՈՎՈՒՐԴԻ ՀԵՏ»: