«Կանադայի Ձայնը». Միրիամ Բաղդասարյանն անցել է կիսաեզրափակիչ. նրա հաղթական ելույթը չեն հրապարակում
10:02 21 ապրիլի, 201818-ամյա Միրիամ Բաղդասարյանը կրկին փայլել է «Կանադայի Ձայնում»: Հայուհին ելույթ է ունեցել ապրիլի 16-ին՝ նախագծի քառորդ եզրափակիչում՝ կատարելով Hozier-ի Take Me To Church հիթը:
Հեռուստադիտողի քվեարկության արդյունքում Լարա Ֆաբիանի թիմի երեք անդամներից հենց նա է ստացել ամենաշատ ձայներն ու անցել կիսաեզրափակիչ:
Ուշագրավ է, որ այդ օրվա բոլոր ելույթները հրապարակվել են «Կանադայի Ձայնի» յութուբյան պաշտոնական էջում, բացի Մարիամի ելույթից: Մարիամի ելույթն առայժմ ոչ պաշտոնական ալիքներից մեկում կարելի է տեսնել միայն:
Սա նկատել են նաեւ երգչուհու երկրպագուները, որոնք իրենց դժգոհությունն են արտահայտել Միրիամի ֆեյսբուքյան էջում:
Հավելենք, որ Միրիամ Բաղդասարյանի ելույթներն ամենաշատ թվով դիտումներն ունեն եւ տարօրինակ զուգադիպությամբ հենց ամենաշատ դիտում ապահովող երգչուհու կատարումը դուրս է մնում նախագծի յութուբյան պաշտոնական ալիքից: