Արման Նշանյան. «Հպարտ լինենք, անվախ լինենք, չնահանջենք»
22:04 25 ապրիլի, 2018Դերասան, օպերային երգիչ Արման Նշանյանն Instagram-ի իր էջում լուսանկար է տեղադրել: Արմանի հրապարակած լուսանկարում նա իր կնոջ հետ է, նրանք գտնվում են Հանրապետության հրապարակում:
.jpg)
Արման Նշանյանն իր հրապարակումը մեկնաբանել է հետևյալ կերպ. «Սա սիրով սիրո հեղափոխություն է։ Հպարտ լինենք, անվախ լինենք, ՉՆԱՀԱՆՋԵՆՔ։ Աստված վերևից հենց հիմա նայում է իր սիրով, հավատքով լի Մեծ Հայքի ժողովրդին և ուժ է տալիս, հույս է տալիս, սեր է տալիս։ Մենք բոլորս այս օրերի ընթացքում ցույց տվեցինք, որ մենք այլևս գերի չենք, ջարդում ենք շղթաները և հաստատակամ քայլում դեպի ազատ, անկախ, ՆՈՐ ՀԱՅԱՍՏԱՆ»։
Ավելի վաղ Արման Նշանյանն Instagram-ի իր էջում լուսանկար էր տեղադրել, որն արված էր Հանրապետության հրապարակում, որտեղ ծածանվում էր եռագույնը: Արման Նշանյանն իր հրապարակած լուսանկարին կից միանալու կոչ էր արել՝ «Ոչ ոք չի ուզում մեռնել։ Անգամ մարդիկ, ովքեր ուզում են դրախտում լինել, չէին ցանկանա մեռնելու միջոցով այնտեղ հասնել։ Բայց մահն է կյանքի սկիզբը, բնության նորացման միջոցը։ Մահը տանում է հինը, որ նորը կարողանա գալ։ Այժմ նորը դուք եք, մեր երիտասարդները։ Բոլորիս ժամանակը սուղ է։ Կյանքը գերի լինելու համար չափազանց կարճ է, իսկ միգուցե նույնիսկ չափազանց երկար։ ՄԻԱՑԵ՛Ք։ Բավակա՛ն է, ինչքան անջատված մնացինք։ Ժամանակն է միանալու։ Ժամանակն է նոր Հայաստանի»: