Հոլիվուդի ամենահմայիչ աստղերից մեկը՝ Չենինգ Տատումն, այսօր՝ ապրիլի 26-ին, նշում է ծննդյան 38-ամյակը:
Առաջին անգամ ֆիլմասերները Չենինգի տաղանդը գնահատելու առիթ ունեցան 2005 թ-ին, երբ դերասանը նկարահանվեց «Մարզիչ Քարտերը» ֆիլմում: Սակայն Տատումին առավել մեծ ճանաչում բերեց «Քայլ առաջ» ֆիլմը:
Մեդիայում հաճախ քննարկվում է նաեւ դերասանի անձնական կյանքը: Տատումն ու դերասանուհի Ջեննա Դյուանը մինչ վերջերս Հոլիվուդի ամենաերջանիկ զույգերից էին համարվում: Դերասանները հանդիպել են «Քայլ առաջ» ֆիլմի նկարահանումների ժամանակ: 2009 թ-ին զույգն ամուսնացել է: Նրանց դուստրը ծնվել է 2013 թ-ին: Սակայն 9 տարվա համատեղ կյանքից հետո օրերս ամուսինները հայտարարեցին, որ բաժանվում են:
Ինչեւէ, այսօր վերհիշել ենք հմայիչ դերասանի մասնակցությամբ 5 ֆիլմ, որոնք առաջարկում ենք դիտել:
«Սուպեր Մայք»/Magic Mike
«Քայլ առաջ»/Step Up
«Սիրելի Ջոն»/Dear John
«Երդում»/The Vow
«Նա տղամարդ է»/She's the Man
Լուսանկարը՝ Jon Kopaloff