Քանյե Ուեսթը մյուս ռեփերների կողմից ստացած սպառնալիքներից հետո կրկնապատկել է իր թիկնապահների թիվը: Այս մասին հայտնում է Daily Mail-ը։
Բանն այն է, որ Քանյեն օրերս աջակցություն է հայտնել Դոնալդ Թրամփին։ Սակայն խոսքը ոչ թե Թրամփի քաղաքականությանն աջակցելու մասին էր, այլ նախագահի եռանդուն խառնվածքի, որը Քանյեն համեմատել էր իր սեփական խառնվածքի հետ։
Բայց 40-ամյա Քանյեին հերթական անգամ չեն հասկացել, ռեփերին սկսել են հանդիմանել սոցցանցերում։
Իսկ ռեփերներից մեկը՝ Daz Dillinger-ը, որը Crips խմբավորումից է, մյուս ռեփերներին կոչ է արել հարձակվել Ուեսթի վրա ու առնվազն ջարդել նրա մռութը։
«Ազգային տագնապ․ Crips խմբավորման բոլոր անդամներին կոչ եմ անում։ Պետք է հաշվեհարդար տեսնել Քանյեի հետ, նա Թրամփին է պաշտպանում», - հայտնել է Daz Dillinger-ը։
Քանյեն երեկվանից կրկնապատկել է իր թիկնապահների թիվն ու վախենում է հարձակումներից։
Լուսանկարները՝ Splash