Մեգան Մարքլի եւ արքայազն Հարիի առաջիկա հարսանիքը շարունակում է մնալ մամուլի քննարկման թեման: Զույգը պսակադրվելու է մայիսի 19-ին. Օր օրի համացանցում հայտնվում են նրանց հարսանեկան արարողության մասին նոր մանրամասներ:
Քննարկման համար մեկ թեման Մեգանի հարսանեկան զգեստն է: Ըստ Daily Mail-ի` այդ օրը արքայական հարսնացուն կկրի 100,000 եվրո արժողությամբ շքեղ զգեստ, որը հեղինակել է Ralf & Russo դիզայներական դուետը:
Երկար թեւքերով եւ առատ հուլունքնեևրով զարդարված այդ զգեստով Մեգանը կքայլի դեպի խորան եւ կներկայնա 600 հյուրերի ու միլիոնավոր հեռուստադիտողների առջեւ:
Ավելի վաղ Քենսինգթոնյան պալատի ներկայացուցիչը ԶԼՄ-ներին հայտնել է, որ նորապսակների ավանդական համբույրը պատշգամբում, որով նրանք ողջունում են քաղաքացիներին, այս անգամ նախատեսված չէ:
Դրա փոխարեն Մեգանն ու Հարին կառքով շրջելու են եւ ողջունելու են փողոցում հավաքվածներին:
Ի դեպ, նորապսակները մեղրամսի միանգամից չեն մեկնի: Հարսանիքից մեկ շաբաթ անց արքայազնն ու ամերիկացի դերասանուհին պաշտոնական միջոցառում ունեն, որին պետք է ներկա գտնվեն, իսկ մեղրամիսը նրաք պատրաստվում են անցկացնել Աֆրիկայում, սակայն ավելի ուշ: