«Հայկական գորգերի ֆոնին լուսանկար հրապարակեցի, եւ ինձ անվանեցին ճարպոտ կով». VARDA
23:07 7 մայիսի, 2018VARDA-ն հերթական գրառումն արել, որը քննարկումների առիթ է դարձել: Պարուհին իր Instagram-ում երկու լուսանկար է հրապարակել, որոնք արվել են նրա՝ Երեւան կատարած այցերից մեկի ընթացքում:
Լուսանկարներին կից հայուհին հետեւյալն է գրել.
«Ինքնավստահ եւ անինքնավստահ մարդիկ տարբեր կերպ են արձագանքում միեւնույն երեւույթներին: Օրինակ, ինքնավստահին թվում է, որ նա բոլորին դուր է գալիս, իսկ անինքնավստահին ամեւուր թվում է, թե նա բավարար գեղեցիկ եւ խելացի չէ...Երեւի պետք է սովորել լինել «ոսկե միջինում»:
Ես մի շքեղ ֆոտոսեսիա ունեմ, որում կեցվածք եմ ընդունել հայկական ձեռագործ գորգերի ֆոնին: Ես հրապարակեցի այդ լուսնկարներն Instagram-ում եւ դրանցից մեկի տակ կարդացի մեկնաբանություն՝ «Корова жирная» («Ճարպոտ կով»,-խմբ.): Ես շատ տխրեցի եւ արդեն պատրաստվում էի արգելափակել այդ օգտատիրոջը, երբ հանկարծ ավելի ուշադիր զննելով՝ կարդացի ոչ թե վիրավորանք, այլ հաճոյախոսություն՝ «Ковровая жрица» («Գորգերի աստվածուհի»): Հիմա ես չէի արգելափակի նույնիսկ նրան, որը կգրեր «Ճարպոտ կով», բայց սննդակարգս կվերանայեի :)) Երբեմն շրջապատի քննադատությունն արդարացի է լինում, սակայն ամենակարեւորը՝ լինել չափի մեջ ինքնաքննադատ»,- եզրափակել է նա: