Իսպանացի հայտնի երգիչ Էնրիկե Իգլեսիասն այսօր`մայիսի 8-ին, դառնում է 43 տարեկան: Չնայած իր հասուն տարիքին` Իգլեսիասի ոճը շարունակում է մնալ դեռահասների համար կրկնօրինակման աղբյուր: Էնրիկեն լատինաամերիկյան երաժշտության ամենասիրված ներկայացուցիչներից է: Երգիչը բազմիցս արժանացել է «Գրեմմի» եւ American Music Awards մրցանակների:
Հայտնի Hero երգից հետո Իգլեսիասն իսկական հերոս դարձավ իր երկրպագուհիների համար: Այդ երգի ցանկացած կենդանի կատարման ժամանակ երգիչը բեմ էր հանում իր ամենաոգեվորված երկրպագուհուն եւ ելույթից հետո համբուրում նրա շուրթերը:
Կար ժամանակ, երբ շատերը Էնրիկեին ընկալում էին՝ որպես աշխարհահռչակ երգիչ Խուլիո Իգլեսիասի որդի: Սակայն կրակոտ երգիչը կարողացավ ապացուցել, որ ճանաչման հասել է իր աշխատասիրության եւ տաղանդի շնորհիվ: Հայտնի սրտակերին միլինավոր երկրպագուհիներից զատ` հաջողվել է գրավել նաեւ ռուս թենիսիստուհի Աննա Կուրնիկովային: Նախորդ տարվա դեկտեմբերին Աննան Էնրիկեին պարգեւեց նրանց երկվորյակներին՝ Նիկոլասին ու Լյուսիին: Իր անձնական կյանքը Էնրիկեն նախընտրում է որքան հնարավոր է փակ պահել` փոխարենը տարվա ընթացքում հանդես գալով երկու կամ ավելի հիթային ստեղծագործություններով:
Ձեր ուշադրությանն ենք ներկայացնում Էնրիկե Իգլեսիասի հայտնի մեջբերումներից մի քանիսը.
«Իմ բնավորության լավագույն գիծն այն է, որ ես միշտ հասանելի եմ, իսկ վատը՝ որ հաճախ կարող եմ մռայլ լինել»:
«Ես լավ մարդ եմ, բայց ունեմ շատ թերություններ»:
«Ինձ ոգեշնչում են կանայք, ընկերությունն ու մենակությունը»:
«Սերն իմ ամենակարեւոր ոգեշնչումներից է»:
«Ոչինչ չէի փոխի իմ կյանքում: Ես սխալներ գործել եմ, բայց հենց դրանց շնորհիվ եմ սովորել»:
«Ավելի լավ է՝ ինքս գործեմ սխալներ, քան թույլ տամ, որ մարդիկ դա անեն իմ փոխարեն»:
«Երբ ես սիրահարված եմ, ես միշտ ուրախ եմ արթնանում»:
«Ես միայն մի դեպքում եմ բարկանում, երբ ինձ մոտենում են ստորագրություն խնդրելու այն ժամանակ , երբ ճաշում եմ»:
«Այո, ես ստիպել եմ կնոջն արտասվել»:
«Ինձ համար սերն ավելի կարեւոր է, քան սեքսը»:
«Եթե Իսպանիայում ես ծնվել, ուրեմն պետք է ֆուտբոլ խաղալ իմանաս»:
Լուսանկարները՝ Էնրիկե Իգլեսիասի Facebook-ի էջից