Երեկ աշխարհահռչակ ռոք երաժիշտ Սերժ Թանկյանը ժամանեց Հայաստան՝ սատարելու համաժողովդական շարժմանը:
Զվարթնոց օդանավակայանում Թանկյանին դիմավորեցին Նիկոլ Փաշինյանն ու երգչի երկրպագուները, որոնց հետ միասին նա ուղեւորվեց Հանրապետության հրապարակ: Թանկյանն այսօր եւս եղել է հրապարակում: Նա Instagram-ում տեսանյութ է հրապարակել՝ այն մակագրելով.
«Բեմից տոնում ենք հայ ժողովրդի հաղթանակը: Մխիթարությունը, ոգին ու հույսը շատ հուզիչ է: Սա Նոր Հայաստանի առաջին օրն է»:
Երգիչն այսօր մասնակցել է նաեւ Ազգային ժողովում կայացած նիստին, որի արդյունքում 59 կողմ, 49 դեմ ձայներով Նիկոլ Փաշինյանն ընտրվել է ՀՀ վարչապետ:
Ավելի վաղ Թանկյանը տեսանյութ էր հրապարակել եւ գրել.
«Ես այնքան ուրախ եմ, որ ներկա եմ եղել այն պահին, երբ Հայաստանի խորհրդարանը Նիկոլ Փաշինյանին ընտրեց վարչապետ: Սյնուհետեւ մենք գնացինք Հանրապետության հրապարակ, որպեսզի տոնենք սա ժողովրդի հետ, քանի որ նա ժողովրդի վարչապետն է»: