Met Gala 2018-ում Նիկ Ջոնասի ոճով զբաղվել է հայազգի Ավո Երմագյանը
17:05 8 մայիսի, 2018Երեկ Նյու Յորքում կայացած Met Gala նորաձեւության միջոցառման կարմիր գորգին ամերիկացի երգիչ եւ դերասան Նիկ Ջոնասը ներկայացել է Dolce&Gabbana կոստյումով. նրա ամբողջական look-ով զբաղվել է հայազգի ոճաբան Ավո Երմագյանը, որը հաճախ է համագործակցում Նիկի ու Անժելա Սարաֆյանի հետ:
Ոճաբնանը Նիկ Ջոնասի հետ հերթական համագործակցության մասին հայտնել է Instagram-ի իր էջում՝ ցուցադրելով երգչի ամբողջական կերպարը: Նիկը բարձր սպիտակ օձիքով է, որը զարդարում է ոսկե խաչը:
Նա կրում է նաեւ ոսկյա մատանի, թավշյա գոտի եւ թավշյա կոշիկներ:
Ի դեպ, հայազգի եւս մեկ ներկայացուցիչ՝ դիզայներ Մարիաննա Հարությունյանն էլ ապահովել է մոդել Կարա Դելեւինի եւ երգչուհի Նիկի Մինաժի գեղեցիկ look-երը. հայտնի աստղերը միջոցառման կարմիր գորգին բառի բուն իմաստով փայլել են Մարիաննայի պատրաստած գլխազարդերով:
Լուսանկարները՝ Մարիաննայի Instagram-ից
Ինչ վերաբերում է մյուս հայտնի հայուհուն՝ Քիմ Քարդաշյանին, նա միջոցառմանը ներկայացել է Versace-ի ոսկեգույն զգեստով, որի վրա պատկերաված էին խաչեր:
Լուսանկարը՝ Wireimage
Այս տարվա Met Gala-ի թեման կրոնի ու նորաձեւության համադրությունն էր, այդ պատճառով էլ աստղերից շատերն էին կրում խաչեր եւ այլ խորհրդանիշներ: