Քայլի Ջենները պատասխանել է դստեր հոր վերաբերյալ բամբասանքներին
15:05 15 մայիսի, 2018Ռեալիթի շոուի աստղ, Քիմ Քարդաշյանի կրտսեր քույր Քայլի Ջեները, որն այս տարի մայր դարձավ, Instagram-ի իր էջում նոր լուսանկար է հրապարակել սիրելիի՝ Թրեւիս Սքոթի հետ: Ամերիկացի աստղն իր հրապարակումը մեկնաբանել է. «Սթորմի ծնողները»:
Ըստ երեւույթին՝ նա այս գրառմամբ փորձել է վերջ դնել այն խոսակցությոններին, թե իբր Թրեւիսը Սթորմի կենսաբանական հայրը չէ:
Քայլիի երկրպագուների շրջանում խոսակցություններ են տարածվել, թե աստղի դստեր կենսաբանական հայրը նրա նախկին թիկնապահ Թիմ Չանգն է: Ըստ նրանց՝ Սթորմն ու Թիմն արտաքնապես շատ նման են:
Ասեկոսեներն ավելի են սրացել, երբ օրերս կայացած միջոցառումներից մեկի ժամանակ լրագրողների հարցին, թե արդյոք ի՞նքն է Սթորմի հայրը, Թիմը ժպիտով պատասխանել է. «Չեմ կարող ասել»:
Ինչ վերաբերում է Քայլի Ջեների եւ Թրեւիս Սքոթի արձագանքին՝ զույգին մոտ կանգնած աղբյուրներն ասում են, որ նրանք երկուսն էլ հումորով են վերաբերվել այդ ասեկոսեներին: