Անջելինա Ջոլին ժամանել է Լոնդոն՝ թագավորական հարսանիքին մասնակցելու
20:23 18 մայիսի, 2018Վաղը՝ մայիսի 19-ին, վերջապես տեղի կունենա այս տարվա ամենասպասված հարսանիքը: Արքայազն Հարին կամուսնանա դերասանուհի Մեգան Մարքլի հետ:
Հարսանյաց հյուրերի թվում է նաեւ Անջելինա Ջոլին, որն այսօր Լոնդոն է ժամանել: Պապարացիներին հաջողվել է մի քանի կադր անել, երբ դերասանուհին ճամպրուկներն էր իջեցնում մեքենայից:
Ի դեպ, ԶԼՄ-ներին հայտնի է դարձել, թե 36-ամյա հարսնացուին ով է ուղեկցելու դեպի խորան: Հիշեցնենք, որ Մեգանի հայրը սրտի վիրահատության է ենթարկվել, ինչից հետո հրաժարվել է մասնակցել դստեր պսակադրությանը:
Այսպիսով, վաղը Մեգան Մարքլին դեպի խորան կուղեկցի Ուելսի արքայազն Չարլզը:
Աղբյուրը՝ OK Magazine