Մեգան Մարքլի հայրը օրհնել է դստերն ու արքայազն Հարրիին
11:09 19 մայիսի, 2018Այսօր Լոնդոնում կայանալու է արքայազն Հարրիի ու ամերիկացի դերասանուհի Մեգան Մարքլի պսակադրությունը։ Շատ շուտով սուրբ Գեորգիի եկեղեցում կկայանա հանդիսավոր արարողությունը, իսկ մենք մինչ այդ կհայտնենք գալիք իրադարձության որոշ մանրամասներ։
Ինչպես երեկ հայտի է դարձել՝ Մեգան Մարքլին խորանի մոտ ուղեկցելու է Ուելսի արքայազն Չարլզը (դերասանուհու հայրը սրտի վիրահատության է ենթադրկվել ու չի կարողացել ժամանել Անգլիա)։
TMZ-ը գրում է, որ Մեգանի հայրը՝ Թոմաս Մարքլը, այսօր օրհնել է դստերը, արքայազն Հարրին, նաև արքայազն Չարլզին, որը դերասանուհուն նրա փոխարեն ուղեկցելու է դեպի խորան։
«Ինձ համար սա մեծ պատիվ է։ Ես հուզված եմ ու երախտապարտ։ Իր որոշման մասին ինձ հեռախոսով
Մեգանն էր հայտնել։ Չնայած մեր լարված հարաբերություններին՝ հիմա ամեն ինչ սկսել է հարթվել։ Նա աջակցեց ինձ, երբ ես հիվանդանոց պառկեցի։ Նա ասաց, որ սիրում է ինձ ու անհանգստանում է ինձ համար։ Ու նա շատ սիրալիր էր խոսում հեռախոսով։ Ես նրա հարսանիքը հեռուստատեսությամբ կդիտեմ, ընկերներիս հետ ու մամուլից հեռու։ Երբ ապաքինվեմ՝ ես կայցելեմ նրանց Անգլիայում»,- նշել է Թոմասը։
Ի դեպ, արտասահմանյան մամուլը ենթադրում էր, որ դեպի խորան Մեգանին կարող էր ուղեկցել նրա մայրը, սակայն դերասանուհին չի ցանկացել , որ այդպես լինի ։