Ջորջ ու Ամալ Քլունիները ներկա կգտնվեն արքայազն Հարրիի ու Մեգան Մարքլի հարսանիքին
12:03 19 մայիսի, 2018Այսօր, Լոնդոնի Սուրբ Գեորգիի եկեղեցում կկայանա արքայազն Հարրիի ու ամերիկացի դերասանուհի Մեգան Մարքլի պսակադրությունը։ People-ի փոխանցմամբ՝ հրավիրվածներից են նաեւ Ջորջ ու Ամալ Քլունիները, ովքեր, ըստ պարբերականի աղբյուրի տեղեկությունների՝ արդեն Լոնդոնում են գտնվում։
Ամալն ու Մեգանը վերջերս են ծանոթացել,երբ Մարքլն Անգլիա էր ժամանել: Նրանց ծանոթացրել է իրենց ընդհանուր ընկերը։ Ի դեպ, Մեգանն ու Ամալը օգտվում են նույն ոճաբանի՝ Միգել Պերեսի ծառայություններից, ով էլ հենց այսօր, Մարքլին պատրաստում է հարսանիքին։ Ու այդ ոճաբանի հետ Մեգանին հենց Ամալն է ծանոթացրել։
«Մեգանն ու Ամալը արդեն որոշ ժամանակ մտերիմ են, նրանք շատ ընդհանուր հետաքրքրություններ ունեն, դրա համար էլ արքայազն Հարրին ու նրա հարսնացուն նրանց հրավիրել են իրենց հարսանիքին»,- հայտնում է աղբյուրը։
Ջորջն ու Ամալը, ովքեր արդեն չորս տարի ամուսնացած են, ներկա կգտնվեն նաեւ երեկոյան ծրագրված հարսանեկան տոնակատարությանը։
Լուսանկարները՝ Getty