Գլուխգործոց Givenchy-ից. Հայտնի է Մեգան Մարքլի հարսանեկան զգեստի դիզայները
17:11 19 մայիսի, 2018Դե ինչ, Լոնդոնում տեղի ունեցավ արքայազն Հարրիի ու ամերիկացի դերասանուհի Մեգան Մարքլի պսակադրությունը: Ամբողջ աշխարհի ուշադրությունը սեւեռված էր Սուրբ Գեորգիի եկեղեցում տեղի ունեցող պսակադրության արարողությանը, որին հյուրընկալվել էին բազմաթից աստղեր:
.jpg)
Կամաց-կամաց հայտնի են դառնում հարսանիքի մանրամասները: Այսպես, օրինակ, հայտնի է դարձել, որ Մեգան Մարքլն իր հարսանեկան զգեստը պատվիրել է Քլեր Ուեյթ Քելլերի՝ Givenchy ապրանքանիշի առաջին տիկին կրեատիվ տնօրենին: Մեգանի զգեստը բաղկացած է մետաքսի երկու շերտից:
Ի դեպ, կոշիկների ընտրության հարցում Մեգանը կրկին վստահել է վերը նշված ապրանքանիշին:
Հարսնացուն գլխին իբրև քող շողում էր 1932թ.-ի ադամանդե տիարան, որը պատկանել է Ելիզավետա 2-րդի տատիկին՝ թագուհի Մարիին:
Հարրին հարսանեկան արարողությանը ներկայացել էր բրիտանական բանակի զինվորական համազգեստով, դրա համար, ի դեպ նա նախօրոք թույլտվություն էր հարցրել տատիկից:
Աղբյուրը՝ Daily Mail
Լուսանկարները՝ PA, AP, Getty, REX, Reuters, Shutterstock, AFP, WireImage, Empics Entertainment