Մայիսի 19-ին տեղի ունեցավ արքայազն Հարիի եւ ամերիկացի դերասանուհի Մեգան Մարքլի պսակադրությունը: Ամբողջ աշխարհի ուշադրությունը սեւեռված էր Սուրբ Գեորգիի եկեղեցում տեղի ունեցող պսակադրության արարողությանը, որին հյուրընկալվել էին բազմաթիվ աստղեր:
Հայտնի է դարձել, որ Մեգան Մարքլի հարսանյաց զգեստն արժեցել է 200 հազար ֆունտ սթերլինգ: Սակայն պսակադրությունից հետո դերասանուհին մեկ այլ զգեստ է հագել, որը հեղինակել է Ստելլա ՄակՔարթնին:
Այդ կապակցությամբ դիզայների հայրը՝ սըր Փոլ ՄակՔարթնին, Instagram-ում Մեգան Մարքլի եւ Հարիի լուսանկարն է հրապարակել եւ գրել.
«Այնքան հպարտ եմ, որ իմ դուստր Ստելլան մոդելավորել է այս գեղեցիկ զգեստը Մեգանի համար այդքան պատմական օրվա համար: Շնորհավորում եմ բոլորին»:
Նշենք, որ երկրորդ զգեստով Մեգանն ուղեւորվել է հարսանիքի պատվին կազմակերպված պաշտոնական ճաշկերույթին: