Անաստասիա Վոլոչկովան հանդիմանել է իրեն սեռական ոտնձգությունների մեջ մեղադրող նախկին վարորդին

15:50   21 մայիսի, 2018

Անաստասիա Վոլոչկովան հանդիմանել է իրեն սեռական ոտնձգությունների մեջ մեղադրող նախկին վարորդին։ «Дни»-ին գրում է, որ հայտնի պարուհու նախկին վարորդ Ալեքսանդր Սկիրտաչը մեղադրել է Վոլոչկովային սեռական ոտնձգությունների մեջ ու նրա դեմ մի քանի հայց ներկայացրել։ Բալետի պարուհին անհապաղ արձագանքել է նախկին անձնական վարորդի գործողություններին։

«Կներեք, որտե՞ղ է այդ․․․ը, ով կեղտ է թափում ցանկացածի վրա։ Որտե՞ղ է նա։ Նա պետք է այստեղ լինի հիմա ու արդարանա»,- զայրացել է սկանդալային հռչակ ունեցող բալետի պարուհին։

Պարուհին անդրադարձել է նաև Սկիրտաչի կնոջը՝ Սոֆյային։

«Հեռուստաէկրանների աստղ, նա ու նրա անհասկանալի կինը, որը կանգնած է եղել նրա բոլոր մեքենայությունների ու բոլոր խաբեությունների հետևում, այդպես չէ՞» ,- մտնելով դատարան ասել է բարկացած Վոլոչկովան։

Հետաքրքիր է, որ հերթական նիստին Սոֆյա Սկիրտաչը հայտնվել էր անձնական աստղագետի ուղեկցությամբ։ Վոլոչկովայի հարձակումներին նա արձագանքել է։

«Այն բանից հետո, ինչ այդ կինը արել է մեզ հետ, ես այլև չեմ վախենում։ Մենք լռում էինք, մենք նրան հնարավորություն էինք տալիս զղջալ իր արարքների համար, մտածել, թե ինչ սպառնալիքներ են դրանք պարունակում։ Չլսեց։ Իրեն ամեն ինչում իրավացի համարեց։ Բայց դատարանում ամեն ինչ կպարզեն։ Նա այնպես  է իրեն կոտորում ու լացում հիմա, նա գիտակցել է։ Նրան արդեն հարցաքննել են»,- ասել է Սոֆյան։

Հիշեցնենք, որ Ալեքսանդր Սկիրտաչը մի քանի ամիս քննչական մեկուսարանում է։ Անաստասիա Վոլոչկովան վստահ է, որ իր նախկին վարորդը թալանել է իրեն, մտադիր էր առևանգել դստերը, որպեսզի փրկագին պահանջի, ու իբրև ուզում էր նույնիսկ թունավորել: Նրան սպառնում է մինչև հինգ տարի ազատազրկում։ Իր հերթին Սկիրտաչը Վոլոչկովային դատի է տվել, մեղադրելով սեռական ոտնձգությունների մեջ։



© NEWS.am STYLE