Քիմ Քարդաշյանի սեռափոխ հայրը՝ Թրամփի ու մինչեւ սեռափոխություն իր կյանքի մասին
15:21 23 մայիսի, 2018Քիմ Քարդաշյանի սեռափոխ խորթ հայրը՝ Քեյթլին Ջեները, Broadly ամսագրին տված հարցազրույցում պատմել է իր կյանքի մասին՝ մինչեւ սեռափոխության վիրահատության դիմելը։
68-ամյա Քեյթլին Ջեները երեք տարի առաջ սեռափոխության վիրահատություն է արել ու Բրյուս Ջեներից վերածվել կնոջ։ Քարդաշյան- Ջեներ գերդաստանը հակասական է վերաբերել նրա սեռափոխության փաստին։ Առ այսօր Քիմն ու նրա քույրերն առանձնապես շատ չեն շփվում Քեյթլինի հետ, ինչն անկեղծ ասած, նրանց առանձնապես պատիվ չի բերում։
Այսօր Քեյթլինն ԱՄՆ-ի սեռափոխների համայնքի ամենավառ պաշտպաններից մեկն է։ Broadly պարբերականին տված հարցազրույցում Քեյթլինը ասել է․
«Թրամփը մեր ունեցած վատագույն նախագահն է ԼԳԲՏ համայնքի համար։ Ուզում եմ նա իմանա, որ ես շատ հիասթափված եմ նրանից։ Պարզապես հանգիստ թողեք մեզ, մենք ընդամենն այդ ենք ուզում»։
Իսկ մինչ վիրահատական կյանքի մասին Քեյթլինն ասել է․
«Երբ ես հանդիպեցի Քրիսին, ես փոքր կուրծք ունեի, քանի որ հորմոններ էի խմում։ Մենք ամուսնացանք, ու ես ամեն ինչ թաքցնում էի, որքանով հնարավոր էր։ Երբ ծնվեց Քենդալը, ես լիպոկսացիա արեցի ու ազատվեցի կրծքից։ Ես կարծում էի, թե չեմ կարողանա անգամ լողալ իր երեխայի հետ։ Դրանից հետո ինձ մոտ զգացմունքային խանգարումներ սկսվեցին։ Բայց այդ ժամանակ ես արդեն որոշել էի փոխել սեռս, պարզապես դեռ դրա ժամանակը չէր, քանի որ ես պետք է երեխաներիս մեծացնեի: Շատ ժամանակ եմ միայնակ անցկացնում իմ տանը։ Ես շատ երեխաներ ունեմ, սակայն տարբեր հանգամանքներից ելնելով՝ բավականին բարդ է բոլորի հետ մտերիմ հարաբերություններ պահպանելը։ Նրանցից յուրաքանչյուրն իր կյանքն ունի ու նրանք առաջ են շարժվում»։