Քիմ Քարդաշյանը ցույց է տվել իր դստերը

12:10   26 մայիսի, 2018

Քիմ Քարդաշյանը վերջերս ուրախացնում է իր բարձրորակ  լուսանկարներով։ 37-ամյա հայուհին ցույց է տվել իր դստերը՝ Նորթին։

«Իմ գազանիկը»,- մակագրել է լուսանկարը Քիմը։

Վերջերս Քիմ Քարդաշյանը սկսել է շատ հիշել անցյալը։ Հայուհին երեկ ուշ երեկոյան իր Instagram-ում արխիվային լուսանկար է հրապարակել , որտեղ պատկերված են Քիմի հայրը՝ Ռոբերտ Քարդաշյանը ու Քիմի մայրը՝ Քրիս Ջեները։

«Մայրս ու հայրս»,- մակագրել է լուսանկարը Քիմը ։

Իսկ երեկ, ի դեպ, Քիմ Քարդաշյանը շնորհավորել է Քանյե Ուեսթին՝ իրենց հարսանիքի տարեդարձի կապակցությամբ։ Իր Instagram-ում հայուհին հրապարակել է արխիվային հարսանեկան լուսանկար։

«Անցել է չորս տարի ու դրանք հավերժ կանցնեն․․․ Շնորհակալություն քեզ, որ ինձ նվիրեցիր ընտանիք, շնորհակալություն, որ հոգ ես տանում իմ մասին։ Շնորհակալություն, որ դու ինձ ոգեշնչում ես ամեն օր։ Իմ բախտն այնքան է բերել։ Շնորհավորում եմ տարեդարձի կապակցությամբ»,- գրել է Քիմը։

Քանյե Ուեսթն ու Քիմ Քարդաշյանը ամուսնացել են չորս տարի առաջ։ Քիմը Քանյե Ուեսթի հետ սկսել էր հանդիպել 2012-ի ապրիլից , բասկետբոլիստ Քրիս Հեմֆրիսից բաժանվելուց վեց ամիս անց։ Նրանց հարսանիքը երկու մասից էր բաղկացած։ Առաջին մասը Փարիզում էին տոնել, իսկ հետո տոնակատարությունը շարունակվել էր Ֆլորենսում։

Քանյեն ուզում էր, որ իր քավորը Ջեյ Զին լիներ,սակայն Բեյոնսեն ու նրա ամուսինը չէին մասնակցել հարսանիքին, քանի որ երգչուհին այն ժամանակ ու հիմա էլ չի համակրում Քիմին։



© NEWS.am STYLE