«Ինձանից տարիներ են պահանջվել, որպեսզի ես կին դառնամ». Հելենա Բոհեմ Քարթերը դարձավ 52 տարեկան
13:25 26 մայիսի, 2018Բրիտանացի հայտնի դերասանուհի Հելենա Բոհեմ Քարթերն այսօր՝ մայիսի 26-ին, նշում է ծննդյան 52-ամյակը:
Հելենան լայն ճանաչում ստացավ շնորհիվ «Գեղեցիկ տեսարան ունեցող սենյակը», «Այնտեղ, որտեղ, նույնիսկ, հրեշտակներն են վախենում հայտնվել», «Գովարդ Էնդ» ֆիլմերից:
Բոհեմ Քարթերին վերջին շրջանում ֆիլմասերները տեսնում են ռեժիսոր Թիմ Բարթոնի ֆանտաստիկ ֆիլմերում, որոնցում նա կերտում է անիրական ու հետաքրքիր հերոսուհիների: Ի դեպ, ռեժիսորն ու դերասանուհին 2001 թ-ից միասին են: Նրանք ունեն երկու զավակ՝ որդին՝ Բիլին, որը ծնվել է 2003 թ-ին, եւ դուստրը՝ Նեյլը, որը լույս աշխարհ է եկել 2007-ին:
Ձեր ուշադրությանն ենք ներկայացնում դերասանուհու հայտնի մեջբերումներից մի քանիսը.
«Թագուհին իրականում ոչ մի ուժ չունի, այնպես որ՝ ես ավելի լավ է՝ գահընկեց լինեմ ու գնամ շոփինգի»:
«Ինձանից տարիներ են պահանջվել, որպեսզի ես կին դառնամ եւ ուրախ լինեմ այդ փաստի համար»:
«Բոլոր հին հեքիաթներն էլ սարսափելի են եւ մութ»:
«Կյանքում չկա նորմալ ոչ մի բան»:
«Գիտեք՝ կարեւորն այն է, որ ես շատ նիհար չեմ: Ես ուտում եմ»:
«Այդքան երկար ժամանակ կորսետով անգործունակ ես դառնում»:
«Ինձ դուր էր գալիս ձեւացնել, թե ուրիշ մարդ եմ: Ես կարող էի հնարել ինքս ինձ, իմ սեփական իրականությունը»:
«Ես շատ լավ երեխա եմ եղել՝ դաստիարակված եւ ձանձրալի»:
«Չէ, Թիմի վրա երբեք հույսս չեմ դնում, թե նա ինձ պետք է գեղեցկացնի»:
«Դերասանը ռեժիսորների ու սցենարիստների զոհն է»:
Լուսանկարները՝ Harpersbazaar.com