«Եվրատեսիլ 2015»-ի հաղթող Մոնս Զելմերլովը հայր է դարձել: Շվեդ երգչի առաջնեկը լույս աշխարհ է եկել երեկ՝ մայիսի 25-ին: Հայտնի Heroes երգի կատարողը Facebook-ի իր էջում տեղադրել է նորածին որդու ու ընկերուհու՝ անգլիացի դերասանուհի Սիարա Ջանսոնի հետ լուսանկար եւ մակագրել.
«Բարի գալուստ այս աշխարհ, փոքրիկ կատարյալ սուպերհերոս: «Եվրատեսիլ 2038», մենք գալիս ենք»:
Ի դեպ, երգչի երկրպագուները ոչ միայն շնորհավորել են նրանց, այլեւ վստահեցրել, որ նրա որդին անպայման մի օր կրկնելու է հայրիկի հաջողությունը:
Մոնսն ու Սիարան հանդիպում են 2016 թ-ից: Նախորդ տարվա դեկտեմբերին պարզ դարձավ, որ զույգը երեխայի է սպասում: Մի քանի ամիս անց Զելմերլովը տեղեկացրեց, որ իր առաջնեկը տղա է լինելու: Այժմ զույգը բնակվում է Լոնդոնում: