«Չափից դուրս ազատությունը կարող է հանգեցնել հոգու անկման». Փրինսն այսօր կդառնար 60 տարեկան
14:05 7 հունիսի, 20181958 թ-ի հունիսի 7-ին ծնվել է ամերիկացի հայտնի երգիչ Փրինսը: Լեգենդար երաժիշտն այսօր կդառնար 60 տարեկան:
Փրինսը մահացել է 2016 թ-ի ապրիլի 21-ին: Ատլանտայում կայացած համերգից հետո երգչի ինքնազգացողությունն ինքնաթիռում վատացել է: Նրան տեղափոխել են հիվանդանոց: Մահվանը նախորդող մեկ շաբաթվա ընթացքում երգիչը ոչ մի րոպե չի քնել: Որպես նրա մահվան պատճառ՝ նշվում է ֆենտանիլի չարաշահումը:
Իր ստեղծագործական գործունեության ընթացքում Փրինսը վաճառել է ավելի քան 100 միլիոն ձայնասկավառակ: Երաժիշտը նաեւ «Գրեմմիի», «Օսկարի» եւ «Ոսկե գլոբուսի» մրցանակակիր է:
Հայտնի երգչի հայտնի մեջբերումներից մի քանիսը ներկայացնում ենք ձեր ուշադրությանտը.
«Ամեն օրն Աստծո օրհնություն է: Ինձ համար ամեն մի օրը նոր սկիզբ է: Այո, ամեն ինչ հիասքանչ է»:
«Տեխնիկան լավ բան է, բայց դու պետք է օգտագործես այն, այլ ոչ թե թույլ տաս, որ այն օգտագործի քեզ»:
«Ես սիրում եմ լսել կառուցողական քննադատություն խելացի մարդկանցից»:
«Արվեստի հիմքում ընկած է նորություն աստեղծելը, ոչ թե հնի վրա հիմնվելը»:
«Ամեն ինչն էլ ունի իր մութ կողմերը»:
«Երաժշտությունն իրական է. այն ազդում է մարդկանց վրա»:
«Ժամանակը մտքի ստեղծածան է: Այն գոյություն չունի»:
«Մարդիկ ասում են՝ ես բարձրակրունկներ եմ կրում, որովհետեւ ցածրահասակ եմ: Իրականում ես բարձրակրունկներ եմ կրում, որովհետեւ կանանց դա դուր է գալիս»:
«Ես երբեք չեմ զրուցում ծեր մարդկան հետ: Նրանք նախընտրում են ստատիկ մնալ: Երիտասարդների հետ է պետք շփվել. Նրանք լի են նոր մտքերով եւ առաջ գնալու մղումով»:
«Չափից դուրս ազատությունը կարող է հանգեցնել հոգու անկման»:
Լուսանկարները՝ Facebook, Spill Magazine