Հոլիվուդյան դերասանուհի Էն Հեթուեյը երբեք էլ կողմ չի էղել կտրուկ փոփոխություններին: Նա գրեթե միշտ պահպանել է իր դասական տեսքը: Սակայն հիմա, հանուն նոր դերի, 35 -ամյա դերասանուհին շիկահեր է դարձել:
Նոր ֆիլմը կոչվում է «Գայթակղության ծով» (Serenity) , դերասանուհու խաղընկերը Մեթյու Մակքոնահին է:
Aviron Pictures –ի ալիքում հայտնվել է ֆիլմի թրեյլերը:
Ֆիլմը պատմում է ձկնորսական նավի նավապետի մասին, որը իր հանգիստ կյանքն է անցկացնում Կարիբյան ծովի կղզիներից մեկում, սակայն նրա կյանքի խաղաղ հունը փոթորկում է նախկին սերը՝ Էն Հեթուեյը: Վերջինս ժամանակին լքել է սիրեցյալին՝ հանուն մի միլիոնատիրոջ: Սակայն ժամանակը ցույց է տվել, թե որքան դաժան մարդ է նա: Վերադառնալով նախկին սիրեցյալի մոտ՝ նա վրեժխնդիր լինելու հարցում խնդրում է նրա օգնությունը:
Ֆիլմի ռեժիսյորը Սթիվեն Նայթն է, իսկ համաշխարհային պրեմիերան պլանավորվում է սեպտեմբերին:
Լուսանկարները՝ Imdb.com