Հայուհիներ, որոնք ճանաչված են Հայաստանի սահմաններից դուրս (ֆոտո)

Մենք՝ հայերս, հպարտանում են մեր տաղանդավոր հայրենակիցներով, իսկ երբ նրանք հաջողության ու ճանաչման են հասնում նաեւ մեր հայրենիքի սահմաններից դուրս, այդ հպարտությունը կրկնապատկվում է, քանի որ Հայաստանի անունը հնչում է նաեւ աշխարհի տարբեր ծայրերում:

Աշխարհում սփռված տաղանդավոր հայերը շատ են: NEWS.am STYLE-ն այսօր վերհիշել է աշխարհահռչակ հայուհիների, որոնք իրենց մասնագիտական հաջողություններով կամ արտաքին տվյալներով հայտնի են տարբեր երկրներում:

Շեր

Շերի մասին խոսելն ավելորդ է: Ամերիկահայ երգչուհին իր հիթերով ու տարբերվող ոճով հայտնի է ամբողջ աշխարհին: Նա երբեք չի մոռացել իր արմատներն ու միշտ ոգեւորությամբ է խոսել Հայաստանի հաջողության, եւ ցավով բարձրաձայնել երկրի խնդիրների ու ողբերգությունների մասին:

Արսինե Խանջյան

Կանադահայ հայտնի դերասանուհի եւ պրոդյուսեր, որը ճանաչման է հասել «Արտույտների ագարակը» եւ «Արարատ» ֆիլմերում իր դերերով: Նա հաճախ նկարահանվում է հենց ամուսնու՝ աշխարհահռչակ ռեժիսոր Ատոմ Էգոյանի ֆիլմերում: Արսինեն նաեւ հայտնի է իր քաղաքացիական ակտիվությամբ: Նա Հայաստանի Թավշյա հեղափոխության ամենաակտիվ մասնակիցներից էր:

Քիմ Քարդաշյան

Ռեալիթի շոուի հայազգի աստղն այսօր կրկնօրինակման մոդել է ոչ միայն հայուհիների, այլեւ ամբողջ աշխարհի կանանց համար: Շատերը քննադատում են նրա հայտնի դառնալու պատճառն ու Instagram-ը ողողած մերկ լուսանկարները, բայց չեն կարող ժխտել այն փաստը, որը Քիմն ունի իրեն բնորոշ ճաշակ ու տարբերվող արտաքին: Նա նաեւ չի մոռանում պարբերաբար անդրադառնալ Հայաստանին եւ այստեղ կատարվող իրադարձություններին:

Անժելա Սարաֆյան

Անժելա Սարաֆյանն այսօր նկարահանվում է Հոլիվուդում: Նրա մասին հատկապես սկսեցին խոսել, երբ նա նկարահանվեց «Մթնշաղ» ֆիլմաշարի 4-րդ մասում: Հայուհին նաեւ հայտնի է Westworld-ում իր դերով:

KeyOh

Բելգիահայ այս երգչուհուն NEWS.am STYLE-ը հաճախ է անդրադառնում: Բացի երգելուց՝ KeyOh-ը նաեւ պարբերաբար հանդես է գալիս՝ որպես հաղորդավարուհի: Վերջերս էլ նա Երեւանին նվիրեց Havana երգի cover տարբերակը:)

Գոհար Ավետիսյան

Մոսկվաբնակ այս դիմահարդարի վրձնի ներքո հայտնվելու մասին երազում են ոչ միայն հյուհիները, այլեւ ռուսական շոու-բիզնեսի մի շարք աստղեր: Իր հմտությունների շնորհիվ Գոհարն այսօր Instagram-ում ունի մոտ 5 միլիոն հետեւորդ, իսկ նրա հայտնի հաճախորդների թվում են Աննա Սեդոկովան, Ժասմինն ու Արծվիկը:

Լուսանկարները՝ Facebook, Instagram