«Կյանքն անհավանական կարճ է, ու անիմաստ է չսիրողների, չճանաչողների վրա չարանալը». Նազենի Հովհաննիսյան

Հաղորդավարուհի, դերասանուհի Նազենի Հովհաննիսյանն Instagram-ի իր էջում նոր լուսանկար է հրապարակել: 35-ամյա հաղորդավարուհին իր միկրոբլոգի հերթական գրառման մեջ խոսել է չարակամների, չարախոսողների, կյանքում թռիչքի մասին: Նազենի Հովհաննիսյանը գրել է.

«Եթե մարդ թռիչք ունի, ոչ ոք նրանից դա չի կարող խլել։ Որքան մարդու տեսակը, նկարագիրն ամուր են, այդքան բարձր ու անհասանելի է նրա ճախրանքը։ Չարակամներն ու չարացածները միշտ կան, բայց թռիչքի մեջ եղողը ժամանակ չի ունենա չարությունները «տեսնելու» կամ մարմին տալու դրանց։ Ասածս սա է. կյանքն անհավանական կարճ է, ու անիմաստ է չսիրողների, կամ նույնիսկ չճանաչողների վրա չարանալը))) Ամեն մարդ իր ուղին, իր գործն ու իր կյանքն ունի։ Ծանրություններ ու խնդիրներ յուրաքանչյուրիս կյանքում կան, բայց թևեր տալիս է կամքն ու հենց այն, ինչ կոչում ենք ԸՆՏՐՈՒԹՅՈՒՆ՝ այդ ծանրություններով հանդերձ։ Անհատի թռիչքը դժվար ու ծանր ընտրություն է, բայց այդ «Թռիչքի» վայելքին ոչինչ չի հասնի։ ))) Սիրելի չես լինի բոլորի համար։ Բայց «բոլորն» էլ քո կյանքի ո՛չ դառը կիմանան, ոչ էլ ճախրանքի հաճույքը կգնահատեն։ Այնպես որ Թռիր, լայն բաց սիրտդ երկնքի առաջ ու թռիր...»:

Նշենք, որ հաղորդավարուհու նախորդ գրառումը նվիրված էր ոճին եւ կատարել էր հետեւյալ գրառումը. «Մարդիկ և ոճերը տարբեր են) կարեւորը գտնել՝ որն է քոնը»։