Հայազգի հեռուստաաստղ Քլոե Քարդաշյանը իր Instagram-ի հետեւորդ-երկրպագուներին ուրախացրել է իր փոքրիկ դստեր «դժգոհ» լուսանկարներով: Նորաթուխ մայրիկը մեկնաբանել է լուսանկաները: Նա հրապարակմանը կից գրել է. «Փոքրիկ Թրու»:
Քլոե Քարդաշյանը, ինչպես գիտենք, ապրիլին դուստր է լույս աշխարհ բերել բասկետբոլիստ Թրիստան Թոմփսոնից ու կոչել նրան Ճշմարտություն (True): Յուրահատուկ ու ինքնատիպ անունների ընտրությունը հատուկ է Քարդաշյանների գերդաստանին:
Հիշեցնենք, որ ավելի վաղ աստղը նշել էր, որ կբացահայտի իր սլացիկ կազմվածքի եւ ամառվա սեզոնին պատրաստ լինելու գաղտնիքը:
33-ամյա հայազգի հեռուստաաստղը ջանք չի խնայում, որպեսզի վերականգնի նախկին կառուցվածքը:
Նա նշել էր, որ չի կարելի չարաշահել այնպիսի սննդամթերքները, որոնք փքվածություն են առաջացնում: Այդպիսի սննդամթերքներից են, օրինակ, սոխը, լոբազգիները. խնձորը, կաթնամթերքը: Իսկ գարեջրի եւ գազավորված ըմպելիքների մասին խոսելն անգամ ավելորդ է: