Այսօր լրացավ երգչուհի Ժաննա Ֆրիսկեի մահվան երրորդ տարելիցը, իսկ լրագրողները գտել են ոմն տղամարդու, ով պնդում է, որ հինգ տարի գաղտնի հանդիպել է Ժաննա Ֆրիսկեի հետ։
Համացանցում հայտնվել է НТВ-ի «Новые русские сенсации» հաղորդման նոր թողարկման անոնսը։ Հաղորդումը նվիրված է Ժաննա Ֆրիսկեին։
Տղամարդու խոսքով՝ հարաբերությունները, որոնք իբրեւ հինգ տարի են տեւել, երգչուհին ջանասիրաբար թաքցրել է։
«Դե ինքդ ես հասկանում, որ դու պետք է բերանդ փակ պահես»,- այսպես է փոխանցում տղամարդը Ժաննայի զգուշացումը։
Սակայն հիմա, Ժաննա Ֆրիսկեի մահից երեք տարի անց, նախկին սիրեցյալը որոշել է խախտել լռությունը։ Ասում են, իբրեւ հենց նրան էր Ժաննան ընտրել որպես իր երեխայի հայր, սակայն տղամարդը պատրաստ չի եղել նման պատասխանատվության։
«Լռել այն մասին, որ ինքը երեխա է ուզում, Ժաննան այլեւս չէր կարող»,- նշել է երգչուհուն նախկին ընտրյալը։
Ինչպես վստահեցնում է կադրի ետևից լսվող ձայնը, երգչուհին նախընտրել է քողարկել այդ հարաբերությունները իր մյուս սիրեցյալից՝ հեռուստահաղորդավար Դմիտրի Շեպելեւից։