Սկանդալային Փերիս Հիլթոնը, ով միշտ եղել է նորաձեւության կիզակետում, իր ներկայությամբ զարդարել է գերմանացի դիզայներ Ֆիլիպ Փլեյնի սպորտային ցուցադրությանը, որը տեղի ունեցավ Միլանի նորաձեւության շաբաթվա շրջանակներում:
Փերիսը ներկայացավ սեւ,սպիտակ եւ կապույտ գույների համադրությամբ հագուստով եւ բոլորի ուշադրությունը միանգամից հրավիրեց իր վրա: Իր կերպարը նա լրացրեց կաշվե ձեռնոցներով եւ չոկերով:
Շիկահեր գեղեցկուհու վարսերը ալիքաձեւ տեսք ունեին, իսկ աչքերը եզրագծված էին սեւ ստվերաներկով:
Հիշեցնենք, որ վերջերս 37-ամյա ամերիկացի դերասանուհի, երգչուհի, մոդել եւ դիզայներ Փերիս Հիլթոնը, ում Instagram-ում հետեւում է ավելի քան 8 մլն. օգտատեր, ներկայացել էր ամառային կերպարով,կարծես նախանշելով սեզոնի բացումը: Աշխարհահռչակ աստղի հագին իր իսկ բրենդին պատկանող ոսկեգույն լողազգեստ էր:
Դերասանուհին լուսանկարին կից մեկնաբանություն էր թողել, գրելով. «Պատրաստ եմ ամառվան իմ ոսկեգույն, սեքսուալ լողազգեստով»:
Աղբյուր ՝ Daily Mail
Լուսանկարները՝ Shutterstock եւ GettyImages