Երևանյան ազդ․ Ի՞նչ դիտել ու ուր գնալ այս շաբաթ

10:10   18 հունիսի, 2018

NEWS.am STYLE–ը շարունակում է Ձեզ պատմել Երևանի հետաքրքիր իրադարձությունների մասին։ Միակ բանը, որը մենք Ձեզ խորհուրդ ենք տալիս անել այս ամբողջ ամսվա ընթացքում՝ երևանյան փաբերում տեղեր ամրագրելն ու ֆուտբոլի աշխարհի առաջնությունը դիտելն է։ Իսկ եթե ֆուտբոլ չեq սիրում․․․ միևնույն է դիտեք )))

Ի գիտություն բլյուզի սիրահարների․ հունիսի 19-ին «Ստոպ»  փաբում երեկոյան ժամը 9-ին ելույթ է ունենալու David Afrikyan blues trio-ն։   

Հունիսի 20-ին Windrose հետաքրքիր խումբը ձեզ հրավիրում է Barcode  բար։ Համերգը մեկնարկում է ժամը 21։00-ին, տոմսերի արժեքը՝ 1000 դրամ։

Հունիսի 21-ին Յոգայի միջազգային օրն է ու Թումանյանի անվան այգում երեկոյան լինելու է ֆլեշմոբի պես մի բան, որի ընթացքում յոգա պարապողները կցուցադրեն իրենց վարպետությունը։

Այդ նույն օրը Սիրահարների այգում «Երաժշտության տոն» է։ Դա սիրված տոն է Ֆրանսիայում, ու Ֆրանսիայի դեսպանատունը այս առթիվ կազմակերպելու է փոքր համերգ, որը սկսվելու է 18։30-ին, ելույթ կունենա Collectif Medz Bazar տաղանդավոր կոլեկտիվը։

Դրանից մեկ օր անց այդ նույն տոնի շրջանակում Գաֆեսչյան կենտրոնում ժամը 20։00-ին կկայանա ֆրանսիացի կատարող Տիբո Կովենի համերգը։

Հունիսի 22-ին, երեկոյան ժամը 9-ին Das ակումբում ռեփի երեկո է։

RNS vs DS՝ երկու թիմերի պայքարը՝ հիփ հոփ աշխարհի երկու մենթորների հովանավորությամբ, որոնցից յուրաքանչյուրն իր ոճով յուրովի փոխել է Հայաստանում event մշակույթը։ Նրանք մոտիվացնելու են իրենց թիմերին, օգնելու են նրանց հղկել իրենց ոճն ու նրանց հետ միասին ռազմավարություն կառուցել այդ եթերաշրջանի համար ։ Ինչպես Միկան ու Դրեդն են ներկայացնում ռեփի մասին երկու հակադիր հայացքներ, այդպես էլ նրանց թիմերի ոճերն են բախվելու այս պայքարում։

Հունիսի 24-ին «Ուլիխանյան» ակումբում կանցնի SHiVeR  խմբի համերգը, որը ղեկավարում է գերտաղանդավոր Ռենա Դեն։ Սկիզբը՝ 21։00, տոմսերի արժեքը՝2000 դրամ։

Այդ նույն օրը՝ Bambir խմբի գլխավորությամբ Loft սրճարանում կկազմակերպվի  Giumri Culture day։ Սկիզբը երեկոյան ժամը յոթին, տոմսերի արժեքը՝ 3000 դրամ։



© NEWS.am STYLE