Մեծ Բրիտանիայի թագավորական ընտանիքում առաջին անգամ տեղի կունենա նույնասեռականների հարսանիք
12:04 18 հունիսի, 2018Մեծ Բրիտանիայի թագավորական ընտանիքում առաջին անգամ կայանալու է նույնասեռականների հարսանիք, հայտնում է Daily Mail-ը։ Եղիսաբեթ թագուհու 55-ամյա զարմիկ լորդ Իվար Մաունթբատտենը (իր սեռական կողմնորոշման մասին լորդ Մաունտբատտենը երկու տարի առաջ է հայտարարել) ու նրա զուգընկեր Ջեյմս Քոյլը ամուսնանալու են հուլիսին։
Հարսանիքը կայանալու է այս ամռանը Դևոնում Մաունթմատտենի գյուղական գեղեցիկ կալվածքի եկեղեցում։ Պսակադրության հատուկ հյուրն է լինելու Մաունթբատտենի նախկին կինը՝ Փեննին, որից նա երեք դուստր ունի։
Հարսանեկան արարողությունը փոքր է լինելու , թագավորական ընտանիքի անդամները ներկա չեն գտնվելու։
«Այս ամռանը երկու տղամարդ են ամուսնանալու Դեւոնում Մաունթբատտենի գյուղական կալվածքի եկեղեցում։ Սա թագավորական ընտանիքի առաջին նույնասեռական հարսանիքն է լինելու»,- հայտնել է մոտ կանգնած աղբյուրը։