Բրեդ Փիթը նոր դատավճռից հետո սկսել է ավելի հաճախ հանդիպել երեխաների հետ
16:37 18 հունիսի, 2018Անջելինա Ջոլիի ու Բրեդ Փիթի ամուսնալուծությունն արդեն երկրորդ տարին է շարունակվում։ Էնջին ու Փիթը ոչ մի ֆինանսական պահանջ չունեն միմյանց նկատմամբ, նրանց տարաձայնությունները երեխաների խնամակալության խնդրի շուրջ են։ Վերջերս Լոս Անջելեսի դատարանը Անջելինա Ջոլիին պարտավորեցրել է Փիթին թույլատրել ավելի հաճախ հանդիպել երեխաների հետ ու նրանց հետ չհեռանալ ԱՄՆ-ից առանց հոր թույլտվության։
Էնջին հիմա Լոնդոնում նկարահանվում է «Մալեֆիսենթա» ֆիլմի երկրորդ մասում։ Բրեդը երեխաներին թույլ է տվել մեկնել ԱՄՆ-ից, բայց ինքն էլ է Անգլիայի մայրաքաղաք ժամանել՝ նրանց հետ հանդիպելու համար։
Ի դեպ, Էնջին, որպես ՄԱԿ բարի կամքի դեսպան, այցելել է Իրաքում փախստականների ճամբարներից մեկը, որը այդպես է նկարագրել «Սա ամենաաղքատ ու ամենասարսափելի ճամբարն է, որը ես երբևէ տեսել եմ»։
Աղբյուրը՝ Daily Mail
Լուսանկարները՝ Backgrid, WireImage