Լավ նորություն դերասանուհի ու մոդել Եվա Լոնգորիայի երկրպագուների համար։
43-ամյա Եվա Լոնգորիան առաջին անգամ մայր է դարձել։ HOLA! իսպանական ամսագիրը հայտնել է, որ դերասանուհին ու նրա 50-ամյա ամուսինը՝ Խոսե Անտոնիո Բաստոնը, որդի են ունեցել։
Զույգի երեխան լույս աշխարհ է եկել երեկ՝ հունիսի 19-ին, Լոս Անջելեսի Cedars-Sinai բուժկենտրոնում։ Ծնողները երեխային անվանել են Սանտյագո Էնրիկե Բաստոն։
«Մենք այնքան շնորհակալ ենք այս երջանկության համար»,- հայտնել է Եվան։
Ի դեպ, Բաստոնի համար, որի հետ դերասանուհին ամուսնացել է երկու տարի առաջ, սա չորրորդ երեխան է, Նատալյա Էապերոնի հետ նախորդ ամուսնությունից Խոսե Անտոնիոն երեք զավակ ունի։
Աղբյուրը՝ The Sun