Պրիյանկա Չոպրան «փայլել է» Նյու Յորքում (ֆոտո)
20:15 20 հունիսի, 2018Դերասանուհի Պրիյանկա Չոպրան, ով հատկապես վերջին շրջանում անընդհատ հանրության ուշադրության կենտրոնում է, Նյու Յորքում փայլել է իր գլխապտույտ առաջացնող կերպարով:
35-ամյա դերասանուհին ներկայացել է գունադեղ ու նախշազարդ վերնաշապիկ-զգեստով: Նախկին «Միսս Աշխարհ»-ը ընտրել է ջինսե միդի երկարության կիսաշրջազգեստ, որի դիմային հատվածն ընդգծվել է բլուզի համարձակ բացվածքի ճեղքից: Այս համաչափ համադրությունը ընդգծել է գեղեցկուհու բարակ իրանը:
Ամբողջացնելով իր վառ եւ միեւնույն ժամանակ զսպված լուքը՝ Պրիյանկան կերպարն ամփոփել է վառ կարմիր սրածայր կոշիկներով եւ վեցանկյուն ականջօղերով: 
Հիշեցնենք, որ հանրությունը եւ հատկապես երկրպագուները Պրիյանկային արդեն «ամուսնացնում» են 25-ամյա երգիչ Նիկ Ջոնասի հետ, որը, ըստ այս տարվա մարտի ստացված տեղեկությունների հանդիպում էր հայ հոլիվուդյան դերասանուհի Անժելա Սարաֆյանի հետ : Պրիյանկա Չոպրային ու Նիկ Ջոնասին միասին տեսել էին Նյու Յորքի օդանավակայանում, իսկ թե ինչպես կզարգանան հետագա իրադարձությունները, ցույց կտա ժամանակը:
Աղբյուրը՝ Daily Mail
Լուսանկարները՝ SplashNews, JustJared