Բրեդ Փիթը երեխաներին արգելել է Ջոլիի հետ նկարահանվել «Մալիֆիսենտա 2» ֆիլմում
11:06 21 հունիսի, 2018Այս զույգի կյանքում ամեն ինչ կավարտվի ինչպես «Պարոն ու տիկին Սմիթը» ֆիլմում, որի գլխավոր դերակատարները՝ Բրեդ Փիթն ո Անջելինա Ջոլին սկսել էին զենքի բոլոր տեսակներով իրենց ընտանեկան հարաբերությունները պարզաբանել։
Ահա և հիմա, նախկին զույգը, որն արդեն երկրորդ տարին ոչ մի կերպ չի կարողանում վերջնականապես ամուսնալուծվել, հերթական պարզաբանումներն են սկսել։ Դատարանի վերջին որոշմամբ՝ Ջոլին իրավունք չունի երեխաներին երկրից դուրս հանել առանց Փիթի համաձայնության։ Փիթը համաձայնել էր Էնջիի խնդրանքին ու թույլատրել, որ երեխաները մոր հետ միասին Լոնդոն մեկնեն, որտեղ 42-ամյա դերասանուհին նկարահանվում է «Մալեֆիսենտա» ֆիլմի երկրորդ մասում։
Սակայն, ինչպես գրում է UsWeekly ամսագիրը, քիչ ավելի ուշ Ջոլին հայտնել է, որ կցանկանար, որպեսզի իր 12-ամյա դուստր Շայլոն ու 10-ամյա որդի Նոքսը նկարահանվեին այդ ֆիլմում, սակայն, Բրեդ Փիթը դրան իր համաձայնությունը չի տվել (նշենք, որ 10-ամյա Վիվյենը մոր հետ միասին նկարահանվել էր առաջին ֆիլմում, որն էկրաններին ցուցադրվել է 2014-ին), ինչով առաջացրել է Էնջիի բարկությունը։
«Բրեդը հրաժարվել է ստորագրել համաձայնություն՝ նկարահանումներին Շայլոյի ու Նոքսի մասնակցության մասին։ Երեխաներին օգտագործում են որպես խաղաքարտեր, իսկ Ջոլին ու Փիթն իրար հետ չեն խոսում, նրանք լավ հարաբերություններ չունեն»,- հայտնել է մոտ կանգնած աղբյուրը։
Երեխաների նկատմամբ ժամանակավոր խնամակալության գործողության ժամկետը ավարտին է մոտենում, դրա համար էլ օգոստոսի 13-ին Անջելինան ու Բրեդը հերթական անգամ հանդիպելու են դատարանում։
Լուսանկարները՝ Getty, REX, Shutterstock